| Endy Croes y Francisco Chirino nombra den comision internacional na Bahamas |
 |
 |
| Saturday, 29 December 2012 14:57 |
|
Aruba Softball Bond ta sera un aña 2012 exitoso y alaves ta habri 2013 cu bon noticia. Desde 2010 Endy Croes hunto cu Chipen Chirino a trese un mocion durante Congresia di CONPASA (Pan Americano) pa asina combense 33 paisnan presente y Don Porter cu e islanan mester por bin na remarke pa lanta un Confederacion nobo pa asina hunga clasificatorio entre islanan. Tambe Endy a expresa e deseo ta pa islanan di di 1 miyon habitante of menos por bira miembro. Den tempo record minister di deporte di Bahamas a sostene Federacion di Bahamas y a invita tur islanan interesa hunto cu Don Porter pa un cumbre special cual a tuma lugar na Mei 2010 na Bahamas. Aki a forma e promer directiva unda 12 isla a duna acto di presencia y unda Endy Croes a keda eligi como 2nd Vice President y Francisco Chipen Chirino como board member. Despues na October 2011 esaki a wordo aproba pa tur miembronan durante Congreso di ISF y a bira official. ISF mesora a duna luz berde pa e Confederacion nobo ECASC por hunga un competencia clasificatorio y e ganador pues esun cu gana “ORO” lo ricibi e derecho pa representa e islanan den Mundial cual lo tuma lugar na Cali Colombia durante World Games. Pa e motibo aki Aruba su Selecion Femenino ta biahando 23 di January proximo pa Bahamas Freeport unda lo bay competi y trata pa clasifica pa Mundial. Esaki ta un oportunidad unico y ta un soño di cualkier atleta. Manera Don Porter a declara cu ohala e isla cu logra bay Mundial usa esaki como un experencia pa sigi desaroya e deporte di softball pa e next level. Weganan Clasificatorio lo tuma lugar di 23 pa 27 di Januari proximo na Bahamas Freeport. Pa cu esaki ECASC ( English Caribbean Amateur Softball Confederation) a nombre tanto Endy Croes den Technical Commission y Francisco Chirino den e Disciplinarian Commission pa asina dirigi e promer clasificasion internacional historico entre islanan. Esaki ta un logro grandi riba plataforma internacional y alaves un reconosemento pa nos dirigentenan local. Aruba un isla chiquito cu su dirigentenan criyoyo briyando internacional resonando nomber di Aruba. Aruba Softball Bond ta manda palabra di felicitacion pa tanto Endy Croes como Francisco Chipen Chirino cu e logro aki. Pabien!!! Comentarionan (2)Mustra/Kita comentarionan ...
Y na unda Prome Minister Eman su PABIEN y SUPPORT ta? Na unda Minister Visser su SUPPORT ta? na Unda Minister Winklaar su SUPPORT ta? Esakinan ta VISION y LOGRO den deporte di algun CIUDADANO deportista, cu ta traha pa DEPORTE na un manera CONSISTENTE, y sigur cu poco of hasta sin ningun SUPPORT di GOBIERNO mes, cu PUEBLO a duna su confianza. CIUDADANONAN cu no tin nada di haber cu GOBIERNO, ta trahando, mientras e RESPONSABEL Minsiter Visser y Minister de Meza ta MASACRANDO LOTTO pa DEPORTE lage na WERKI dia!
,
December 30, 2012
Duna Comentario y/of Comparti riba Social Medi |
Mustra/Kita e formulario di comentario
