Den un matutino a sali un noticia cu Gobierno lo a introduci un rekisito pa biaha cu un menor di edad. Minister Andin Bikker di Husticia, a splica cu tin un mal comprondemento riba e tema aki.
E ta splica cu ora un persona cu ta casa, cu e mama of e tata bay biaha su so cu e menor of menornan di edad, na salida for di Aruba, e ta pidi pa un carta cu copia di e paspoort of identificacion di e mayor cu tin e autoridad comparti pa loke ta supervision riba e mucha, cu e ta OK su yiu ta bay biaha cu e mama of e tata, depende cual ta e caso respectivo. Cierto paisnan, ta bisa cu nan kier un verificacion cu esun cu a firma e carta, en berdad ta e persona cu e ta pretende di ta. Por pensa teoreticamente por traha un carta, pretende cu esun cu a firme ta tata of e mama y ta pone cu den paisnan den exterior, ta pidi pa e carta aki ta apostiya.
Cierto companianan di biahe, aparentemente a haya den pasado of no mucho leu, tin cierto paisnan cu no sa y kier un apostiya, pasobra esey ta un metodo internacional pa reconoce cu en berdad e firma poni ta di e persona cu ta bisa cu ta e mayor, y pa make sure, ta bay cu un apostiya. Ningun momento ministerio di husticia a emiti un maneho nobo cu ta exigi pa bo por sali di Aruba cu un criatura cu di antemano bo mester bay apostiya.
Minister Andin Bikker a splica cu esaki ta un ehercisio cu abo como mayor por tuma pa haci. E cos aki no ta dura hopi. Ta un accion facultativo. Un afirmacion internacional esaki ta si presenta un caminda cu e yiu y resulta cu no tin prueba cu e mucha por biaha cu e mama of e tata separadamente. Tin cos cu ta wordo splica segun minister Andin Bikker.
E ta pa bo mesun siguridad cu si bo ta pensa cu kisas bo ta bay haya den diferencia di opinion na frontera na otro paisnan cu ta bisa cu nan kier sa si esun cu a firma e documento ta mama of tata respectivo di e mucha, e ora eynan, e ta un ehercisio cu lo por scoge pa haci. Al contrario cu ta bisa cu e hopi burocratico. E tin su tempo. Si bo no indica cu bo no tin urgencia pa biaha, e ta dura un dia of pa su mañan. Pero si indica cu si tin urgencia, ta haci e proceso di biaha. Ta un opcion facultativo pa esnan cu pa evita cu si ta bay tin diferencia di opinion cu ora bandona e isla of ora regresa, nan tin un certeca cu un afirmacion internacional, cu e persona cu no ta bay tin diferencia di opinion, cu si e carta aki ta wordo firma pa e persona autorisa si of no. E impresion cu a wordo crea cu e articulo aki ta, cu Gobierno di Aruba lo a dicidi riba un maneho cu ta fastioso, cu ta anti democratico, cual absolutamente no ta berdad.
Minister Andin Bikker no a dicidi riba ningun maneho, no a emiti ningun maneho riba esaki. Loke si a wordo splica cu por tin y cu ta wordo splica pa agencianan di biahe, pa bo tin certesa di bo mesun situacion specifico pa evita diferencianan di opinion cu bo sa cu ningun hende por bin bisa cu esun cu a firma e carta, cu ta esun cu ta pretende di ta. E ora e instrumento legal ta, cu ta bay, busca un apostiya, ta certifica esaki y for di eynan e ora no tin discusion riba e punto aki ta. E impresion cu a wordo crea cu e ministerio di husticia pa haci fastioso, pa ta burocratico pa bin cu algo adicional asina aki, esey no ta realidad. E ta na cada escogencia di cada ciudadano, cu si e ta bay apostiya si of no, pa evita discusionnan y cu a yega di sosode den pasado, ta na libertad di cada ciudadano.
