Den locual 2018 ta bayendo ya tin 2561 homicidio na Venezuela

Apesar cu e cantidad di mortonan violento a baha, compara cu aña 2017, a registra un total di 2561 homicidio na Venezuela, un pais unda cu supuestamente ta reserva e posesion y control di arma y municion.
Segun specialistanan, ta atribui e descenso aki, no na e politica publico ni na prevencion, sino na e hecho cu ciudadanonan ta menos riba caya durante cierto oranan y ta frecuenta menos cierto sitionan.
E tasa di homicidio, desde dia 1 di Januari pa dia 18 di Maart di e aña aki, ta 8 riba cada 100 mil habitante.
E estadonan cu ta en e prome cinco luganan mas halto, ta esunnan goberna pa e partido na mando, esta PSUV. Nan ta estado Miranda, Aragua, Zulia, Carabobo y Bolivar, sigui pa Distrito Capital.