Diamars anochi Polis a wordo manda basta pura den direccion di Bushistraat. A drenta informacion cu tin tiramento y tin autonan cu a sali pura for di e area. Na yegada di Polis a cuminsa tende varios version di esnan eybanda cu a pasa den un susto. Polis a drenta e cas cu a papia riba dje durante e melding.
Esaki ta Bushistraat #1. Polis a bin topa doño di cas tur preocupa. E homber a bay controla e cas cu e ta huur bin haya cas tur na werki, plantacion di marihuana y droga. Mas patruya a yega na e sitio y a cuminsa busca pa hulls. A sigui haya mas informacion unda a papia cu esnan cu ta huur a e cas a sali na careda asina a tende cu e doño di cas a dicidi yama Polis. E sospechosonan a bandona den tres auto, aki ta trata di un Tercel Blauw scur, un Tercel Blanco y un Nissan March.
Number di algun di e autonan ta conoci pa Polis. A cuminsa un buskeda riba caya pa e autonan. Segun testigonan, ora e Nissan March a sali for di e cura pura a tende tiro cay.
Tin ta menciona un tiro y otronan ta menciona mas tiro. Mirando e cantidad di droga y tur loke tabata pasando, a bay over na avisa e departamento di Narcotica cu a manda unidadnan na e cas.
Segun fuentenan na e sitio e persona biba den e cas ta un tal D.R. cu algun luna pasa a wordo gara caba ora Polis a yega den un negoshi banda di e area di Hotel y descubri bendemento di droga. Despues e mesun persona tabata envolvi den pelea hunto cu su pareha den un fiesta na Emotions.
Awor ta menciona su nomber atrobe den e caso na Bushistraat 1. E mes no a presenta na e cas y ora cu Polis a drenta no a haya ningun hende. Autoridad ta investigando e caso cu masha cautela mirando cu tin arma di candela envolvi. Fiscal a presenta na e sitio y duna ordo pa confisca tur e matanan di marihuana, droga y demas evidencia. Polis tambe a bay cu algun cacho. Den un comunicado di prensa Cuerpo Policial ta pidi esnan cu sa of a wak algo pa yama e tiplijn cu ta 11141.
