Den ambiente ameno a celebra diesseis aña di existencia

Aruba Muscle & Classic Car (AMCC) a haya invitacion di Casibari Cafe pa nan presenta y show e autonan clasico. AMCC a yega eynan cu diescinco pa binti auto, pero na mes momento ta celebra nan di diesseis aña di existencia.

Erick Leon, presidente di Aruba Muscle & Classic Car, a splica cu nan tin hopi auto, pero no ta tur ta sali. E club ta consisti di mas of menos shen miembro, pero riba dianan special manera Dia di Betico y/of 18 di maart por yega na setenta auto. Door di e pandemia aki hopi hende tin miedo di sali. Pocopoco nan ta logra y tin cu percura cu tur cos tin di bay na e sistema di DVG. 

Diesseis aña pasa nan a cuminsa cu un par di hende, tin cu a fayece, pero tin par ainda ta den e grupo. Tin cu sali, otro nan edad a subi, el a expresa. Leon tin diescinco aña den e club y tur cos ta bay bon pa nan. AMCC tin un team cu semper ta join otro, nan conoce otro, treat otro pero semper tur cos ta nechi. El a splica cu nan ta bin cerca otro y ta papia riba auto. Tambe ora cu’n tin problema, nan ta sali pa otro.

Den ambiente ameno a celebra diesseis aña di existencia

Den ambiente ameno a celebra diesseis aña di existencia. Click aki pa mas https://24ora.news/3piRj4v

Posted by 24ora on Monday, January 25, 2021

AMCC ta e club di auto cu ta mas grandi di Aruba. Leon a felicita tur miembro pa nan diesseis aña di existencia. E club aki ta consisti di miembronan cu ta hende grandi y na luga di busca pa uza droga of algo, nan ta core rond cu e autonan y ta haya invitacion di luganan pa pasa cerca nan.