E mito ta bisa cu e vikingonan tabata para schouder cu schouder pa lucha y defende nan mes: escudo den un man y e hacha den otro.
Algun ta kere, algun no mucho. E ta un ideal cu no ta bay mas leu cu lo imagina di loke tabata di e guereronan aki cu a sacudi, invadi y terorisa henter Europa. Di nan no a papia pa hopi tempo, te cu na 2016 e seleccion Islandes a habri nan propio wowonan den e Eurocup na Francia. Su orden tactico y union a haci cu den cabes di tur amante di futbol, lo recorda e rasa aki.
Diasabra na Moscu, dos aña despues di a maraviya Europa, nan a demostra cu loke nan a realisa dos aña pasa den e pais Gales no tabata un casualidad. Schouder cu Schouder nan a defende, a cort e conexonnan Argentino y a aisla Lionel Messi. Nan a haci cu un seleccion cu tabata dos biaha campeon di Mundo sufri en serio. Y no precisamente pa e debilidad den defena cu e albicelestenan tin, sino pasobra den e zona di atake nan no a haya manera pa tumba e muraya cu e Nordiconan a monta. No a existen variante, e bala tabata lora bay bin cu tabata invita haapmento. E posesion tabata Albiceleste.
E resto di e encuentro semper tabata bin di atras, conteniendo e avansada Argentino. Solamente den seis ocasion nan a supera esaki. Tres di nan, rematenan di Lionel Messi. Un penal en contra di Maximiliano Meza y gol di Sergio Aguero kende a yega 19 minuut despues di un intento di tiro crusa di Marcos Rojo. E bala a keda na e delantero di Manchester City, kende a ricibi’e di lomba y ora cu el a bolter, casi a cay, a saca un remate zurdo cu a haci cu e stadion di Spartak a rementa den un solo tiro.
Foto: FIFAⓒ
