Diadomingo, algo pasa di 5’or y 15 di mainta, polis ta bay na altura di Talk of the Town, unda cu a atraca un dama den un Toyota Yaris color blauw. E dama ta conta polis cu e tabata biniendo abou, ora cu dado momento dos homber color blanco a baha for di un auto, a pidi’e pa su tas y su cartera, pa despues baha na awa. E dama tabata hopi histerico y no por a mira den ki auto nan a bay of kico ta e number di auto. A papia basta rato cu e dama pa asina e por a calma, pa despues bay cun’e warda di Playa pa e por conta en detaye kico a pasa cun’e, pa por tin miho bista y por saca afo ken e dos antisocialnan ta.
