Dama Venezolana benta abao fo’i tino

Diadomingo, pa mas of menos 3’or y 20 di marduga, patruya di Noord a haya un melding cu lo tabata tin un dama cu lo tabata wordo ranca pa algun hende homber. Di biaha patruya a bay na e sitio, cual ta entre Hilton y Barcelo y a bin topca cu e dama Venezolano, benta abao y cu su pareha banda di dje. Polis a bay atende cu e dama y e ta conta polis, cu el a bay na na e clubnan nocturno y algo lo a pasa, cu aparentemente nan lo a tira algo den su bebida. Despues el a bay den direccion di hotel y despues no ta corda nada mas. Polis a bay cu e dama Venezolano y su pareha y a baha nan na Casa del Mar, caminda e famianan di e dama ta kedando. A papia cu un di e mayornan di e dama y a splik’e kico e consecuencianan ta ora cu un persona ta bao di influencia di alcohol y kico por pasa cun’e, ora e ta den un situacion asina.