Diahuebs anochi na Tanki Leendert un dama a hinca su mes den garganta. Tabata algo prome cu 8:00pm cu a yama Polis pa un supuesto caso di tiramento. A bisa cu tin un dama herida cu un tiro y ainda e ta halando un tiki rosea. A pidi pa manda ambulance urgente.
Na yegada di Polis a realisa cu no tabata un caso di tiramento sino problema di pareha unda e señora a hinca su mes den garganta. El a herida su mes basta pisa. Polisnan cu tabata presente a mira hopi sanger den e apartamento. Kier haya evidencia den e apartamento na Tanki Leendert unda e caso a sosode.
A haya cuchiu tambe cu ta e arma uza pa e dama corta su mes den garganta. Hospital tambe a avisa Polis cu tin hende herida a yega y nan no sa si e tin un tiro of un hinca. Recherche a tuma e investigacion over mesora na Tanki Leendert pa por saca afo si realmente e storia cu e dama a hinca su mes ta berdad!
