Thursday, 24 July 2014

Warning: imagecreatefromjpeg() [function.imagecreatefromjpeg]: gd-jpeg, libjpeg: recoverable error: Premature end of JPEG file in /home/oraaruba/public_html/plugins/content/multithumb.php on line 424

Warning: imagecreatefromjpeg() [function.imagecreatefromjpeg]: '/home/oraaruba/public_html//images/stories/news/2013/Aug/22/eleccion_di_mosa_cultural_2013/CULINARIO.jpg' is not a valid JPEG file in /home/oraaruba/public_html/plugins/content/multithumb.php on line 424

Warning: imagecopyresampled() expects parameter 2 to be resource, boolean given in /home/oraaruba/public_html/plugins/content/multithumb.php on line 430

Warning: imagedestroy() expects parameter 1 to be resource, boolean given in /home/oraaruba/public_html/plugins/content/multithumb.php on line 444
Dedica na nos Aña Nacional di Papiamento Print E-mail
Thursday, 22 August 2013 17:21

hfjfjfkjf

Centro di Bario Brazil conhuntamente cu comision Mosa Cultural 2013 orguyosamente ta presenta "Eleccion di Mosa Cultural 2013" dedica na nos di 10 aña di oficialisacion di nos dushi idioma papiamento.

E actividad ta tuma luga diasabra awo dia 24 di augustus 2013, cuminsando pa 8'or di anochi na Centro di Bario Brazil. Participantenan di tur bario a uni pa representa nan districto, na unda nos a cera conoci cu e candidatanan cu ta señoranan cu hopi corahe y dinamismo, cu ta trece informacionnan hopi balioso di nos cultura na e publico presente. E participantenan pa aña 2013 lo ta na encargo di: Sra. Marcia Kock representando "Danza Aruba", Sra. Ludwina Geerman representando "Nos Cultura", Sra. Jarmine Acosta representando "Rosea Cultural", Sra. Rosie Albertsz representando "Colegio Cristo Rey" y por ultimo Sra. Sigrie Ras representando "Nos Cosecha" y nan ta trahando hopi duru pa duna pueblo di Aruba un excelente presentacion. Preparacion di e Mosanan tabata tin como tarea pa investiga e historia, e folklore y e tradicion di nos cultura di Aruba, como tambe nan tabata tin mester a asisti na diferente charla di cultura, bishita diferente Museo, como tambe nos Parke Nacional Arikok pa asina aki, nan por sera conoci cu parti di nos Patrimonio Nacional y siña di dje, pa di e forma aki nan por haya caminda pa cana y yega na un concepto pa cu nan presentacion. E elegida di e Mosa Cultural lo keda encarga cu e parti di educacion di nos folklore y cultura, specialmente pa cu nos hobennan. Tambe nan tin mester asisti na diferente eventonan cultural y ademas e Mosa ganado lo representa e cara di e cultura Arubano. E anochi lo cuminsa cu un grandioso apertura dedica na nos di 10 aña di oficialisacion di nos dushi idioma Papiamento na unda nos ta conta cu participacion di e hoben talentoso, Sta. Gabriela Krozendijk y tambe lo ser lansa oficialmente e Himno di Mosa Cultural titula: "Mosa Di Mi Alma" cual lo ta un composicion di Sr. Freddy Montoya cu ta forma parti di e comision como representante di Departamento di Cultura Aruba y e areglo di e cancion lo ta den man di e musico profecional: Sr. Danny Koolman, tema cu a ser graga na Ivan Quandus. E programa ta continua na unda cada Mosa lo trece un presentacion espectacular como resultado di nan investigacion riba aspecto di nos folklore y di nos cultura. Bin presencia un tremendo eleccion, na unda no necesariamente beyesa sino cultura ta ser refleha den cada un di e participantenan. Nos ta premira un anochi grandi, na unda nos cultura y folklore lo ser resalta grandemente. No laga hende conta bo, bin wak pa bo mes y alabes duna un aporte na cultura, bo cultura, nos cultura...! Mosa Cultural 2012, Sra. Jerisa Lejuez, Sr. Mariano Bermudez, huntu cu Comision Eleccion Mosa Cultura, Den nomber di Centro di Bario Brazil, ta desea na cada un di e candidatanan p'e Eleccion di Mosa Cultural 2013 , hopi exito.

album album album
album album album
album album album
album   

Comentarionan (1)Add Comment
nos papiamento
August 24, 2013
201.229.35.44
Votes: +0
...

cu asina tanto radio cu ta transmiti puro latino unda nos ta aby y departamento di gobierno mester stop tur radio emisora di transmiti na spanjo y ta solamente na papiamento nan mester usa
tin hopi radio ariba fm cu ta di venezuela y colombia cu ta drenta Aruba y nan mester scucha eseynan

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter