|
Harry Croes un biaha mas agredecido cu aporte di Gabinete Mike Eman pa Festival “Un canto pa Aruba su Himno y Bandera” |
 |
 |
|
Monday, 11 March 2013 02:02 |
|
E organisador di “Un canto pa Aruba su Himno y Bandera” tabatin solamente palabranan di elogio pa Prome Minister Mike Eman. Den su discurso cu a habri e anochi final di e festival, Croes a remarca cu e localidad, sonido y iluminacion a keda financia pa Gobierno di Aruba. Esaki segun Harry Croes a haci posibel cu no ta cobra entrada pa e festival y ta hacie accesibel pa un y tur.
Prome Minsiter Mike Eman presente pa duna inicio na e gran final a agredeci e gesto di Harry Croes pero alaves pidi un gran aplauso di e publico pa tur esfuersonan di Harry Croes pa promove nos cultura. Un biaha e actonan oficial tras di lomba, e mandatario a pasa bishita tent pa tent admira e artesania y disfruta di cuminda tipico y bebida. Publico a ricibi Prome Minister Eman cu man habri. Den su recorido, Eman tambe a conversa cu varios medio presente.
 |
Mustra/Kita e formulario di comentario
