Cuerpo Policial preparando e ultimo tokenan pa diabierna awo

0
146

E edificio di Stadhuis den Wilhelminastraat lo bira e centro di atraccion di miles di hende cu lo yega eynan, dunando sosten na e partido cu nan ta kere aden, na momento cu ta bin entrega e lista. Ya caba por mira un cantidad di auto riba un diaranson mainta/merdia cu tin den e caya aki. E trafico constantemente ta pega. Ya caba ta duna un indicacion cu sin cu tin nada, kico por spera diabierna, na momento cu tin miles di hende riba caminda.

WEB
Wendys
Banco di Caribe

Vocero policial, Lito Lacle, a conta kico ta e trabao di polis, con nan ta preparando nan mes y kico por spera pa dia 4 di Augustus na momento cu e partidonan politico cu lo ta 10, ta bin entrega e lista.

E ta splica cu en berdad nan trabao como polis ta pa percura pa e orden publico y mobilidad di trafico. Pa logra esaki, un luna pasa a cuminsa cu combersacion cu diferente stakeholder pa por yega na e dia final, cual ta entregamento di lista.

Tin cuater partido cu a pidi pa un permiso. E parti bon di entrega un peticion ta cu sa di nan plan y rond di e plannan aki, polis por traha un draaiboek con pa uza rutanan alternativo, por ehempel, si Wilhelminastraat por wordo cera.

Tres di nan a haya e plan aden y cu esaki ta bezig ta trahando. Diaranzon atardi 2’or na Centro di Husticia, tabata tin un ultimo reunion cu e partidonan politico pa pone tur cos riba un liña y for di eynan, e proximo evento ta e entregamento di lista dia 4 di Augustus.

 

Desviacion

E trafico lo wordo desvia, segun Lacle. Pa awe tardi of mañan mainta un comunicado lo wordo manda pa asina divulga y concientisa pueblo di Aruba, cua ta e cayanan cu lo wordo cera durante diabierna mainta te cu atardi y cua ta e rutanan alternativo cu pueblo di Aruba por uza ora cu e cayanan aki wordo cera.

 

Partidonan cu masa

Lito Lacle a indica cu tur partido cu a pidi e permiso, lo bay hay’e. Unico cos cu ta cu nan tin cu cumpli cu e rekisitonan, locual cu esey no lo ta ningun problema pa e partidonan politico. E tarea di polis ta, cu si tin un bon comunicacion cu e partidonan politico, por ehempel AVP ta cuminsa na veld di Cricket,  nan ta guia AVP te cu trouwraad.

Mescos cu MEP y POR. Polis ta den bon comunicacion cu e partidonan awor aki pa defini kico ta nan plan y polis ta percura no solamente pa siguridad pa e pueblo di Aruba, pero tambe pa e personanan cu ta participa den e optocht aki.

 

Diferencia di opinion

No mester bringa cu otro y ta soluciona problema. Polis y Conseho Electoral a bay bek mesa caminda cu a yega na cierto acuerdonan.  E representantenan di e partidonan awe tardi, a sigui y pone e tokenan final pa loke ta dia 4 di Augustus. Esaki mester bira un win-win situation, no solamente pa Electorale Raad, pa Cuerpo Policial, y Partidonan politico, pero pa pueblo di Aruba tambe. Por mustra asina na un manera civico cada partido politico ta entrega su lista y tur despues ta bay contento cas of celebra e entregamento di lista aki.

 

Cuanto polis riba caya

E intencion ta pa uza lo maximo cu tin. Esey ta entre 175 y 200 polis. Cuerpo di recherche mayoria di nan lo bisti uniform entre otro pa garantisa siguridad di pueblo di Aruba. Esey ta e intencion principal.

 

Presencia policial

Tanten cu cos no bira rustig den loke ta e area di entregamento di lista y Aruba, Cuerpo Policial no lo bay descansa. Nan meta principal ta pa tur hende yega cas contento.

 

Trafico

Esnan cu no tin nada di haci eybanda, pa nan coy otro ruta. Si bo ta traha na un hotel y bo sa cu LG Smith Boulevard no lo wordo cera, of algo cu tin di haber cu e ruta, purba di evita. Sigur sigur, Wilhelminastraat lo wordo cera, Lacle a splica.

Comments

comments