Awe 16 di augustus ta recorda e di 81 aniversario di natalicio di un estadista Arubano, cu fisicamente no tey mas cu nos, pero cu di un manera of otro e ta biba den nos pensamento, esta Edgar Joaquin (Watty) Vos. Tabata riba dia 16 di augustus 1975, despues di hopi lucha y contratempo, Watty Vos a logra pa Aruba haya su mesun Scol di Polis, cu porcierto desde 16 di augustus 2002 ta carga su nomber. Pesey awe den su feliz memoria cordando su fecha natalisio, ta celebra Dia di Polis.
“Cuerpo Policial a conoce progreso, innovacion moderno desde 1986. Nos a cana band’i nos comunidad pa 32 aña largo. Nos meta ta pa sigui duna nos pueblo e confiansa cu nan por depende riba nos organisacion policial”, asina Andrew Hoo, Alto Comisario di Polis, a bisa awe.
“Brindando servicio, siguridad y integridad na un manera transparente y profesional, Cuerpo Policial Aruba, cu su 600 homber y muhernan balente, lo sigui lanta tur mainta pa mantene orden y siguridad di nos pais”, di acuerdo cu Alto Comisario Hoo.
