E conferencia di ATCA 2018, ta manera e otro conferencianan anterior cu ATA a comparti diferente informacion referente e aña aki, segun CEO di ATA, Ronella Tjin Asjoe-Croes.
Esta esun dedica na Europa y Latino America, cu a tuma luga siman pasa. E biaha aki ta pone atencion riba e mercado di Norte America, e mercado primario pa Aruba.
Atrobe, ta pa haci negoshi, ta pa laga socionan conoce tur locual a cambia, conoce aspectonan nobo di experiencia Aruba. Sigur, sigura cu nan atencion pa e proximo dianan ta dedica na Aruba. No ta miho manera pa haci’e pa tin nan presente na Aruba mes.
Atendencia
Di acuerdo cu e standardnan, segun Tjin Asjoe-Croes, tabata satisfactorio. ATA tin su socionan primario cu ta na Aruba y mester resalta tambe e hecho cu pa ambos, Merca, pero tambe e mercado di Canada. Mester a pidi un aplauso pa henter e ekipo di Aruba, incluyendo e socionan den mercadonan tambe.
Dicon
A mira un aña 2017 hopi fuerte. Merca a crece cu 11 porciento. E aña aki te cu April ta creciendo cu 7 porciento. Y Canada a crece cu 12 porciento. E aña aki, te cu April ta 11 porciento. Mester remarca cu tin e aspecto di horcan cu a azota diferente destinacion den Caribe, di cual ainda algun ta sintiendo e impacto. Pero ta bon si pa tene na cuenta cu prome cu esey, ya caba e mercadonan aki tabata mustrando resultadonan asina aki caba.
Tin un demanda fuerte, resultado di diferente esfuerso cu ta haci den colaboracion cu esnan cu ta presente. Mercado di Norte America ta representa 70% di total di turismo pa Aruba. E ta sigur hopi importante y ATA ta hopi gradicido cu nan ta na Aruba. Ambos socio riba nivel di tour operator, esta esnan cu ta bende Aruba, pero tambe aerolineanan presente tambe. Mas cu claro, esey ta di hopi beneficio den e dianan nos dilanti tambe.
Presupuesto pa promocion
Pa total pa loke ta entrada y presupuesto di operacion di ATA, mas of menos historicamente un 80% di e presupuesto ta bay pa mercadeo. Esaki ta consisti di mercadeo internacional den diferente mercado, pero tambe mercadeo local. Cu locual kiermen por ehempel, eventonan cu ta tuma luga. Por ehempel Aruba Soul Beach Festival. Pero tambe por pensa riba por ehempel di un evento exitoso cu tabata tin algun siman pasa, esta e Food Truck Festival. Ta diferente proyecto cu ta tuma luga riba nos isla, cu ta bon pa experiencia. E ta yuda bende Aruba den diferente mercado y como tal e ta parti total di e presupuesto di mercadeo di ATA. 80% ta bay den loke ta negoshi principal. E meta di proposito princpal di ATA cu ta pa mercadea pais Aruba y esaki ta consisti den aspectonan internacional y local y tambe sin lubida inversionnan cu kisas hopi biaha no ta bin dilanti, pero inversion den nos siguridad, inversion den mantencion di nos beachnan y asina tin otro ehempelnan di cosnan cu ta parti di e mercadeo total.
