Cu 43 detencion diadomingo a suma 181 detencion den Carnaval 64

1551
rbc mobile banking
CMB EAmigo GIF

Diadomingo tabata e ultimo parada di Carnaval 64, cu e parada grandi di carmaval di Oranjestad. Di acuerdo cu informacion oficial di Polis, e parada a sali pa 12:10pm for di Aruba Entertainment Center na Dakota. E prome grupo a yega final pa 6:03pm y pa 8:05pm e “last lap” a yega final.

Banco di Caribe

Den Carnaval 63, aña 2017, tabatin un total di 41 detencion durante e ultimo parada grandi, mientras cu pa Carnaval 64 di aña 2018 e cantidad a subi un tiki so y a alcansa 43 detencion.

Polis a informa cu un total 4 di e detencionan tabata di sospechosonan busca pa Husticia y durante carnaval a probecha pa bay caya gosa, pero no a logra mira carnaval. Den e detenidonan tin 1 ilegal.

Lamentablemente mester informa cu di e 43 detencionnan, un total di 7 di e sospechosonan ta menor di edad, ta trata aki di tres di 15 aña, un di 16 aña y tres di 17 aña di edad. E edad mas hoben deteni diadomigo tabata di 15 aña. Edad mas bieu deteni ta un homber di 60 aña.

Segun e relato di Polis, e prome detencion a tuma luga pa 2:32pm y e ultimo detencion tabata pa 9:50pm.

Den e 13 eventonan di carnaval di e aña aki, Polis a conta un total di 181 detencion.

Mester menciona cu Polisnan a mobilisa tur rond di e parada di carnaval. A nota presencia activo di Comisario Vanessa Tjon-Kock, cu a cana hunto cu Alto Comisario Dolfi Richardson riba caminda den ruta di carnaval. Pabien Cuerpo Policial cu e tremendo trabou y proteccion brinda na Pueblo.

Comments

comments

Ford 2017 Test Drive
Dragon Fly