Curacao Tourism Board a organisa un Curacao Explotion riba Antraco Plaza. Segun Margie Zoetrum, Coordinador di Comunicacion di Curacao Tourism Board (CTB), esaki ta un evento di un dia. E ta consisti di un evento caminda cu ta presenta tur e eventonan confirma caba pa e aña aki. Naturalmente durante aña lo tin mas evento cu lo bin. Pero esaki ta pone enfasis riba esunnan cu ta confirma. Manera tin e Curacao Film Festival, Ponton Festival, e Velas Latino America Curacao, Curacao Extreme Dragfest y tambe tin e Curacao North Sea Jazz Festival entre otro.
Nan ta mas e vierdaagse tambe, cu ta eventonan cu ta confirma y CT a bin Aruba pa duna informacion y tambe compaña. Tin e partnernan tambe cu ta e hotel y aerolineanan tambe cu a bin pa duna informacion pa loke ta e productonan cu nan ta ofrece.
Una bes cu dicidi cu bo ta bin Corsou, bo sa unda bo ta keda, unda bo ta tour. Ayera tabata un evento caminda cu den un dia bo ta haya tur informacion cu bo tin mester pa bishita Corsou.
Partnernan
Segun Zoetrum, nan ta brinda un plataforma completo di tur loke Corsou ta ofrece. E parti di haci compras tambe ta hopi atractivo. Freezone tambe ta forma parti di e team di Corsou cu tabata na Aruba.
Promocion
Como oficina di turismo, tur evento cu nan a promociona durante e evento, por parti’e na un manera internacional. Esey ta e tarea principal di oficina di turismo, ta pa haya mas hende for di exterior na Corsou. Durante henter e periodo te cu dia di e evento, nan lo sigui haci promocion, tanto na Aruba y tambe otro mercadonan caminda Corsou tin enfoke riba dje, pa haya mas hende bishita Corsou.
Interes di Aruba
Aruba semper ta reacciona positivo pa loke ta eventonan. Loke sigur a hala atencion, ta con diverso e eventonan ta. Tin eventonan deportivo, cu ta e vierdaags. Tin e parti musical, tin e parti di drag. Ta diferente evento. Cada persona, di chikito te grandi, di tur smaak, ta haya algo pa bin Corsou.
Loke ta confirma
Tin basta artista confirma. A menciona cu tin mas artista, pa loke ta Curacao North Sea. Pero e parti mas hoben, Jason Derullo y Jean-Paul tambe ta hala atencion. Ta pidi tur hende pa check riba nan website y nan facebook page, pa e lista confirma te cu awor. Pa loke ta e Curacao Ponton Festival, cual ta nobo, sigur un parti hopi great ta cu un di e artistanan cu nan lo tin ta Jeon, cu sigur awor aki ta marcando y cuminsando cu su carera internacional riba hopi bon pia. No tin nada mas miho pa bo mira un artista local na Corsou riba un escenario internacional.
