Croacia 2-1 Inglatera: Mandzukic ta obra e milager den tempo extra

Croacia a haci historia y lo disputa e prome final di un Mundial den su historia despues di a derota Inglatera (2-1) den e di tres tempo extra cu e Croatanan a hunga na Rusia. Un gol di Mario Mandzukic den e di 11 minuut di e final tabata suficiente pa e ekipo cita Francia pa e titulo diadomingo awo.

Inglatera no a tarda den delanta den e score board, danki na un gol di liber directo di Trippier. E lateral, cu a haci un sensacional Mundial, a pone e bala riba e tubonan di gol, haciendo imposibel cualkier esfuerso di Subasic. Un biaha mas e bala a duna credito na e Tres Leonnan.

E ekipo di Gareth Southgate, a haci cu por ta esaki tabata e miho parti di e torneo, pero tras di e reanudacion nan a relaha y Croacia, apesar di e plantea den e semifinal, nan a disputa dos tempo extra, a bin ta crece den e partido te ora cu nan a caba den pone contra di Inglatera.

BancoDiCaribe
Cobertura Mundial Rusia 2018 presenta pa Banco Di Caribe

Perisic a pone riba e tablanan mey mey di e di dos parti pa forsa loke lo bay ta e di tres tempo extra di Croacia den Mundial. Aunke prome cu e pitaso final, e Croatanan por a bay cu e victoria despues di e colapso cu e Inglesnan a sufri, cu diripente nan a cuminsa concede ocasion y duda den e labornan defensivo.

Apesar di a bay cu tres tempo extra, Croacia a crece den e mey ora extra y por a wak hasta cu nan tabata mas completo cu Inglatera. Of por lo menos mas efectivo y acerta den nan decisionnan. Y den esakinan a yega e milagroso gol di Mandzukic. E delantero tabata sufriendo molesternan muscular, pero a probecha un cabesaso di Perisic pa manda e bala den e area y bati Pickford cu un tiro crusa.

Y di e manera aki, Croacia a haci historia hincando nan mes den e final di e Mundial, aunke cu nan lo mester recupera fisicamente di e tremendo desgaste cu nan tabata tin, hungando tres tempo extra consecutivo. Nan ta wardando Francia, por ta e ekipo cu mas suficiencia a mustra na Rusia.

Foto: FIFA©