Corte Mericano a aproba un peticion di e mineria di oro di Canada, Crystallex, pa pone beslag riba accionnan di e filial Mericano di e compania di petroleo estatal di Venezuela, PDVSA cu ta controla indirectamente refineria CITGO, segun un documento presenta diahuebs.
Crystallex ta buscando pa cobra un debe di no menos cu 1.4 biyon di dollar na compensacion despues di un disputa di un decada bieu riba e nacionalisacion na Venezuela di e cooperacion di extraccion di oro, Crystallex, den e pais Suramericano.
Hues Leonardo P. Stark di e Corte di districto Delaware na Merca, a acepta e peticion di Crystallex pero a suspende en realidad e emision di un mandato hudicial pa ehecuta un orden di confiscacion te cu e partidonan informa con pa sigui. E Hues a permiti tambe pa e partidonan propone un decision redacta prome cu emiti un decision publico.
E abogado di Crystallex, Bob Weigel, no tabata kier a duna comentario. PDVSA tampoco no a responde di inmediato na un peticion di comentario. Un fuente cerca di PDVSA a bisa cu e compania, cu sede na Caracas, ta evaluando un apelacion.
Venezuela a entrega e mayorista di petroleo Ruso Rosneft, un garantia di 49.9% na CITGO a cambio di un prestamo di 1500 miyon di dollar dos aña pasa. E 50.1% restante di e accionnan di CITGO ta un garantia pa e tenedonan di bono 2020 di PDVSA.
Gobierno Venezolano cu poco placa efectivo ta den disputa cu su activonan extrateritorial, loke a alarma e creditornan na considera formanan di persigui CITGO, cu sede na Houston, balora na 10 biyon di dollar Mericano durante un proceso di benta aborta na aña 2014. Oposicion Venezolano a bisa cu Presidente Nicolas Maduro tabata poniendo na riesgo e activonan di e nacion di OPEP.
