Monday, 20 October 2014
ARU: Residentenan afecta pa Parke di Molina di Biento na Urirama ta bau corte Print E-mail
Sunday, 03 February 2013 22:53

corte wayaca
Residentenan uni den Affected Residents Urirama (ARU) a sali for di e debate tocante Urirama na Parlamentario diahuebs pasa. “Nos ta hopi desapunta tocante e manera con gobierno ta trata cu nos preocupacionan”, un vocero di ARU ta bisa.

“E debate tawata trata mas tanto di diferencia di opinion politico caminda echos, cifranan, investigacionnan cu a wordo entrega tawata wordo cita y mal uza na antoho, pa purba di defende propio interes y pa hunga politica. E ta e deber di un gobierno pa representa y defende e bienestar di su ciudadanonan. Pero ARU ta señala cu ta parce como si fuera e deber pa prueba daño a bin cay riba e lomba di residentenan y gobierno ta uza argumentonan pa defende e derecho di existencia di e proyecto aki, cual no ta cuadra cu realidad of ta wordo respalda cu evidencia. ARU semper tawata habri den expresa su deseonan, intencionnan y plannan. E residentenan a cana e caminda di diplomacia prome, pa purba haci gobierno conciente di e peligernan den coneccion cu e establicimento di e parke di biento aki. ARU a paga di propio cartera pa trece expertonan di zonido y di salud pa haci presentacionnan na Aruba na gobierno, tanto como na esnan cu interes particular y e publico en general. A wordo colecta mas di 5,000 firma den contra di e otorgamento di e Hindervergunning, y te awe nunca a wordo reacciona riba esaki y e tempo legal pa haci un decision tocante esaki of pa reacciona segun e Hinderverordering a pasa caba. Den contrast cu esaki, e asina yama “trabounan preparatorio” a cuminsa den un zona proteha pa ley, mientras e permiso no a wordo duna. E unico cos cu a bira cla cu e debate di dia 31 di januari y 1 di februari ta cu e preocupacionnan di habitantenan ta wordo neglisha, preguntanan no ta wordo contesta y transparencia den gobernacion ta scars na Aruba. Empresanan y instancianan concerni y tambe gobierno ta actua como si fuera e ehecucion di e proyecto di Parke di Turbina Biento ta un echo. Residentenan Afecta Urirama no ta wak otro opcion mas cu e comienso di un proceso huridico pa medio di un Kortgeding pa proteha e bienestar di nos famianan y e zona residencial. Esaki dor di exigi cu tur trabounan na Urirama wordo para y keda para te ora e proceso legal di duna permiso wordo cumpli y esnan envolvi ta den posecion di e documentonan legal necesario. E kortgeding a wordo entrega riba diabierna, 1 di februari 15:15 pm na corte di prome instancia di Aruba. E grupo di residentenan uni na Urirama ta haci un apelacion na tur e residentenan di Noord y e pueblo di Aruba en general pa no acepta informacion sin prueba. Manera un di e victimanan di e efectonan di turbina a bisa durante su presentacion na Aruba: “nos culpa mayor tawata cu nos a kere ciegamente den loke e desaroyador di e proyecto y nos gobierno tawata bisa nos, sin haci un propio investigacion of di exigi pruebanan di e declaracionnan haci.”

Comentarionan (3)Add Comment
R.R. Ras
February 04, 2013
201.229.14.183
Votes: +3
...

Esey e grupo aki mester a haci hopi tempo caba pasobra nos tur sa cu nan lo no tin e minimo di chens di gana nada door di bay corte pero si pa for once and forever huez mustra nan cu nan no tin ningun prueba cu e molina nan aki ta malo pa nan salud. Nan a bin te hasta cu un nomber pero te ainda no tin nada cu e nomber ey ta bisa. Lastimaente cu tin un pastora ta presta su mes pa e wega politica aki y ta buscando informacion nan ironio.

prorubiano
February 04, 2013
201.229.35.155
Votes: +5
...

e pregunta cardinal ta keda pakiko na vaderpiet si por y pakiko na urirama no, esey ta keda e pregunta cardinal. acaso esunnan cu ta biba na urirama tin mas previligio cu esnan cu ta biba na san nicolas?????

... Low-rated comment [Show]
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter