Despues di a haya rason di Hues cu no tin ningun base pa nenga entrada di Drs. Jerry Staring na Directie Volksgezondheid Aruba, el a haya un carta di Minister Dangui Oduber cu e por regresa DVG pero cu pa e siguiente simannan e ta den funcion di “beleidsmedewerker” di e Minister, pues ni por eherce su funcion di Director ni tampoco por sinta den su oficina. Esaki durante e periodo cu ta haciendo investigacion interno. El a opone contra e decision aki di Minister y a bay Hues, kende awe a rechasa su demanda. Corte a bisa cu ley ta duna Minister e poder pa tuma un decision asina, specialmente si ta temporal. Cu e sentencia di awe, dialuna Jerry Staring mester raporta bek na DVG, no como Hefe awor sino como ehecutivo na disposicion di Minister di Salud Publico.
