Jozef “Jos” Solagnier, na e edad di apenas 59 aña, a fayece awe mainta na su cas. E ta bay laga atras su casa Magaly Solagnier-Leonardo y su 3 yiunan. El a perde un bataya masha cortico contra cancer.
Jos ta un cara di ENNIA
Si e lo a keda na bida, na December e aña aki, e lo cumpli 40 aña di servicio. Jos tabata hefe di e departamento di “claims” y tabata atende cu tur cliente cu raporta un “schade”. Su añanan di experencia den e trabou, bon conocedo di e mercado, ta pone cu den forma rapido e ta procesa cualkier “claim”, sea ta un accidente di auto, cas cu a kima of tambe na momento di mal tempo cu luganan of casnan yena cu awa. Den su trabou Jos semper a traha masha cerca di Polis, Brandweer y otro instancianan envolvi na momento di un “schade”.
Dos luna pasa a diagnostica Cancer
Na fin di aña 2017, despues cu e tabatin casi 2 aña cu AO na cas, na man di dokter, porfin dokter na Aruba mes a diagnostica cancer. Lamentablemente na e momento ey ya e malesa tabata hopi avansa caba, pues e tabata mucho laat. Mester bisa cu den e ultimo 2 añanan a haci cantidad di test cune, pero sin resultado. A hasta mande Colombia y ni eynan dokternan no a logra descubri cancer. E semper tabata keha di hopi dolor di stoma.
ENNIA ta di luto
Cu e noticia lamentabel awe mainta, mesora a baha e bandera di ENNIA na Aruba, na halfstok, pa mustra cu e compania ta di luto. Fecha pa entiero no a stipula ainda, pero tanto su coleganan, pero tambe su famia y amigonan tin hopi duele pa e noticia y e realidad duro aki. Forsa na tur cu stima Jos. Cu “Jos” sosega na paz.