Conoci di Polis a destrui varios vitrina den Centro di San Nicolas

E conoci di Polis fam B diadomingo parce tabata den remate. E tip cu Polis a haya ta cu e persona aki ta responsabel pa e cantidad di destruccion cu a tuma lugar riba varios glas of vitrina. Polis di San Nicolas a bay mira kiko ta pasando. A yega na ATM di CMB y bin topa e localidad kibra. A bay na ATA na San Nicolas y tambe e glas tabata kibra. A sigui banda di Post Kantoor y eynan tambe a haya e lugar kibra. Tur glasnan di porta of di e establecimentonan tabata kibra cu piedra, bloki di asfalt of boter. Polis a cuminsa busca paradero di e conoci di Polis B. A keda di avisa esnan cu ta responsabel pa e localidadnan cu a wordo destrui. Riba e foto aki por mira un tiki di tur e daño cometi.