Concierto Dominical Donny Laclé diadomingo dia 25 di maart

Diadomingo awor, dia 25 di maart 2018, Fundacion pa HobenTalento Musical “Donny Laclé”ta presenta un biaha mas su Concierto Dominical, su concierto di tur fin di luna. E concierto ta tuma luga den “Café Musical” den Biblioteca Nacional na Playa for di 11.00 or di mainta te 01.00 or di merdia.

 

Diadomingo awor e concierto ta habri cu un trio forma pa Igmar Maduro,  piano, Christopher Tiel, (cuarta) y Mario Kelly Jr. (fio)

 

Despues ta sigui “Camilo Muyale y su 32 Tropical”.

Camilo Muyale despues di hopi aña ta bay presenta atrobe cu su arpa y grupo di 5 musico, bou direccion di Camilo mes, tocando arpa, cuarta, bajo y timbalete.

Nan lo brinda e publico un variacion di cantica. Como cantante invita Jossy Brokke lo canta 2 cantica

 

Pa clausura e concierto y corona e ambiente nos ta haya un presentacion di Nuevo Sabor Musical.

Nuevo Sabro Musical ta consisti di 6 integrante:cu  tabata integrante di diferente banda aki na Aruba y a dicidi di bin hunto pa pone ambiente pa e publico, y awe pa nos.

 

E concierto aki ta priminti di bira uno hopi varia y anima, pues, reserva bo diadomingo mainta.

Entrada ta gratis, pero manera semper ta pidi un contribucion boluntario den e caha di glas, pa nos por yuda nos hobennan talentoso.

Sea asina bon di bini trempan, pa haya un bon luga pa sinta y pa no perde nada di e concierto aki.

E concierto ta cuminsa 11.00 or en punto.