Muchanan den comunidad mester di un ayudo, pa asina nan por cuminsa cu un aña escolar bon.
Comerciantenan a uni, pone un fondo disponibel pa por cumpra 100 tas y demas articulonan di scol, unda cu e muchanan por ricibi esaki. Esaki a sosode na Hooiberg 29-H, unda cu alabes nan por a bay riba Dino Jump, come popcorn y cottoncandy, un dushi hotdog y juice, como tambe disfruta di e ambiente cu tabata tin, cu musica y cu tur hende cu tabata tey presente. Ta un proyecto cu e comerciantenan a haci di nan curason.
E evento aki a tuma luga for di 10’or di mainta pa 12’or di merdia. Meta di e proyecto aki ta pa muchanan cu ta den necesidad, cu realmente tin mester di su cosnan di scol.
Ta un bunita gesto di parti di esnan cu a organisa e evento aki pa haci pa e muchanan. Un palabra di pabien ta bay na e grupo di comerciantenan aki cu a haci tur lo posibel pa pone un smile riba cara di e muchanan.
