Colegio San Hose di Santa Cruz cu rifa pa recauda fondo 

Comision di Mayor di Colegio San Hose, COMASH, hunto cu scol Colegio San Hose ta desea tur maestronan y studiantenan na Aruba hopi exito pa e aña escolar 2018-2019. COMASH tin hopi plan y deseo pa scol pero pa cu esaki mester fondo.
Dia 24 di november 2018 lo ta e sorteo di un rifa, den presencia di notario. Cu solamente 5 florin por gana un di e 12 tremendo premionan, incluyendo e prome premio di Afl. 4000.00 cash.
E premionan ta posibel danki na un lista di companianan cu a saca un man pa yuda e scol. Nan ta: Printshop, De Witt & Van Dorp, Setar, Barcelo,Marriott, Subway, Web, Sam’s by Manolo,Crown Aruba, Giselle Department Store, Office Systems, Faro Blanco Restaurant, Weng Kee Supermarket y Superfood.
Tur mayor cu yiunan studiando na Colegio San Hose tin buki di rifa. Kiermen si conoce algun alumno di e scol, por tuma contacto cu su mayor. Like e facebook page di Comash pa keda informa.