E booth di CITGO Aruba Refinery na EXPOLABOR 2017 tabata un di esunnan mas popular durante di e dos job fair. E job fair a tuma lugar na Renaissance Convention Center dia 19
di augustus ultimo y tabata consisti di varios booth como tambe lecturanan duna pa profesional den nan ramo. E evento a wordo organisa pa e Ministerio di Asuntonan Social, Hubentud y Labor, Departamento di Progreso Laboral y Departamento di Labor pa conecta esnan en busca di trabou cu dunadornan di trabou, incluyendo CITGO Aruba Refining.
Durante dia e team dinamico di recurso humano di CITGO Aruba Refinery acompaña pa expertonan den e materia di refineria a duna informacion valioso e bishitantenan di job fair relaciona cu oportunidadnan actual na CITGO Aruba. CITGO Aruba Refinery cu te cu awor ta premira pa cuminsa operacion na final di 2018 actualmente ta buscando riba e mercado laboral local pa yena 45 vacatura incluyendo un analista di presupuesto, un supervisor di marine, un supervisor di projecto di medio ambiente y operadornan. Esnan cu ta interesa pa aplica pa un di e posicionnan vacante na CITGO Aruba Refinery mester visita www.CITGO.com/Careers.
Click riba Current Opportunities y selecciona Aruba como bo localidad. Tocante CITGO ArubamCITGO Aruba Refining N.V. (CAR) ta un compañia Arubiano cu ta forma parti di un grupo di compañia operando bou di PDV Holding Inc., doño indirecto di CITGO Petroleum Corporation y subsidiario di Petróleos de Venezuela, S.A., e compañia nacional di petroleo di e República Bolivariana di Venezuela. CAR ta e operador di e refineria di Aruba, situa na San Nicolas, Aruba cu ta propiedad di Refineria di Aruba N.V. (RdA), un entidad di cual Gobierno di Aruba ta propietario absoluto.
