Durante cinco dia largo e federacion di Aruba Table Tennis Association a tene nan competencia di tennis di mesa celebrando asina nos Dia Nacional Himno y Bandera. A opta pa hunga tur e categorianan apart unda nos a haya e siguiente resultadonan.
Den e categoria U18, nos a haya na 1er luga Chingho Chung, mientras na 2do lugar a keda Jeandry Mathilda y na di 3er lugar a termina Johnatan Paredes. Den e categoria U13 nos a haya na 1er lugar, e hobencita Joseline Boekhoudt mientras na di 2do lugar a termina Dwayne Koolman y na di 3er lugar a keda Marc Rasmijn. Pa loke ta e categoria di Masters, nos a haya na 1er lugar e veterano, Franklin Lopes sigui na di 2do lugar pa James Letren y na di 3er lugar a keda Wingchow Leong.
Den e categoria damas nos a haya un comeback di e atleta Sue Ann Leong cu despues di basta aña di ausencia ta regresa bek den e circuito y ta logra triunfa mesora cu e 1er lugar, na di 2do luga a keda Mikayla Mathilda mientras na di 3er lugar e keda Joseline Boekhoudt. Pa loke ta e resultado di Copa Himno y Bandera den e categoria U15, nos a haya na 1er lugar Bob Chung, na di 2do lugar a keda Mikayla Mathilda mientras na di 3er lugar a keda Robert Dirksen y na di 4to lugar a termina Marc Rasmijn. Den e mas chikitonan esta e categoria U11, nos a haya na 1er lugar Dylan de Leca, na 2ndo lugar a keda su ruman Brandon de Leca mientras na 3er lugar a keda Nathan Lobo y na di 4to lugar e hoben Ethan Huang . Por ultimo nos a haya e Open klas y B klas. Den e categoria Open e 1er lugar a bay pa Mario Lobo, na di 2do lugar a keda Jeandry Mathilda mientras na di 3er lugar a termina Ching ho Chung. Den e categoria B Klas nos a haya na 1er lugar, e hoben Jean Pierre Helmeyer, na di 2do lugar a termina Alfred Leong mientras na di 3er lugar a keda Robert Dirksen .
Stichting Sportsubsidie Aruba ta subsidia e prome competencia di tenis di mesa celebrando Himno y Bandera organisa pa e Aruba Table Tennis Association.
Cumprando weganan di Lotto, e Loteria di Aruba manera Catochi, 1-Off, Big 4, Zodiac, Wega di Number Korsou, Lotto di Dia, Lotto 5, Mini Mega cu su Mega Plus y e diferente weganan di Raspa Y Gana bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
