Christina Arends a keda corona como Reina di Huize Maristella

Diabierna ultimo, Huize Maristella a tene su eleccion di reina en grande. Nan tabata tin 4 reina di personal, den cual 2 tabata stagiaire cual nan a scoge un reina grandi y un princesita. Tur a haci un super bon presentacion.

Como reina grandi a keda corona Christina Arends y su prome finalista tabata Gisella Wever. Princesita a keda den persona di Anais Orman y su prome finalista a keda den persona di Jenne Medina. Ta gradici e huradonan kendenan a bin como voluntario. Nan ta entre otro Elaine Semerel, Maya Croes, Victor Garcia y Cecilito Lopez, kende tabata e presidente di Hurado. Gradicimento ta bay tambe na Mimi Gravenhorst, kende a yuda e huradonan, tambe na Coleta, kende tabata MC. Na DJ Leo, kende a haci un tremendo trabao, na e comision y tambe Annie Solognier. Y por ultimo ta yama un danki tambe na tur cu a haci e eleccion aki posibel.