Diasabra, algo pasa di 12’or y 35 di marduga, patruya di Playa a wordo dirigi na e crusada panort di Canal 90, unda cu lo a sosode un accidente. Na yegada di polis, nan a bin topa cu cu un Hyundai Sonata, color blanco, number A-29047 y un Hyundai Accent color shinishi, numera A-27775. Aparentemente e auto blanco, tabata bin di pabay, bayendo ariba, ora cu dado momento e accent shinishi lo a sali for di e crusada sin paga tino cu tabata tin auto ta bin, cu e consecuencia cu e Sonata a dal den e Accent. Ora cu polis a bay check e documentonan necesario di ambos auto, nan no tabata tin nada na ordo. A manda pidi takelwagen pa asina transporta e dos autonan aki pa warda di Balashi. Tur dos chauffeur a keda na pia. Daño material ta minimo.
