Diasabra, algo pasa di 12’or y 55 di marduga, patruya di Noord a wordo manda net dilanti di Island Yoga na Noord caminda cu un auto lo a dal tras di un otro auto. 
Eynan patruya a topa cu un Chrisler 300 color preto, numera A-71335 y un Hyunday Tucson. Segun chauffeur di e Chrisler, el a para riba caminda, ora cu dado momento un Hyundai Tucson color shinishi, numera A-12271, a bin dal tras di e dje.
Sin embargo, polis a bin saca afo cu e Chrisler no tabata tin su papelnan na ordo. Esey a pone cu nan a pidi asistencia di takelwagen pa asina hiba e auto warda.
Mientras tanto, e chauffeur di e Tucson tabata bao di influencia di alcohol. Transportwagen a hiba e chauffeur warda. Daño material tabata minimo.
