Persecucion pa para chauffeur burachi

Alcohol a hunga rol riba chauffeur cu Polis a duna señal pa para coriendo cu un auto marca Mazda modelo 323 cu color di oro. El a nenga e ordo na prome instante. Asina a persigui e Mazda y despues di basta rato a logra para e auto na e crusada peligroso di Calabas.

A detene e chauffeur pasobra e tabata basta bou influencia di alcohol. Na Warda di Polis a keda di haci un prueba nobo pa verifica e nivel di alcohol den su rosea.

Mester bisa cu tur cos a cuminsa ora otro chauffeurnan a cuminsa yama Polis pasobra e tabata coriendo iresponsabel riba e caminda di Tanki Leendert direccion Paradera, te cu e autonan di direccion contrario mester a baha caminda pa e por sigui y evita desgracia.

Na rotonde di Paradera a lora bay direccion Jaburibari. Polis di Noord a coy e caminda di Jaburibari y topa cu e Mazda y eynan a core su tras y durante persecusion e chauffeur a pensa mesora cu ta miho e para.