Diabierna merdia Polis a lorga pone man tras di un chauffeur burachi cu a huy for di un accidente na De Vuyst. E homber tras di stuur a dal auto den cura di cas y baha na awa. A laga bumper cu plachi number atras.
Polis a bin haya e auto sospechoso para canto di caminda pa bay Baby Beach. Den auto a bin haya chauffeur y un ocupante, ambos tabata basta burachi. Polis a detene e chauffeur cu casi no por a corda su nomber.
E señora sinta na banda pasahero a spanta y cuminsa yora, haci fastioso. Polis a baha e señora cas. E auto a keda confisca, e no tabatin bumper dilanti. Dogcatcher a duna e chauffeur burachi un “lift” pa Warda di San Nicolas.
