Un chauffeur bebi coriendo un Toyota Yaris di un forma iresponsabel, a falta respet pa Comisario di Polis. Pa motibo di e coremento iresponsabel, e comisario cu a mira esaki den Adriaan Lacle Blvd a bay hala atencion di e chauffeur.
Na lugar di e acepta y mustra cu e lo evita esaki den futuro, el a mas bien reacciona agresivo y despues di insulta e Comisario, el a sigui su caminda tambe. A cuminsa un persecusion y e chauffeur cu e Yaris A-27498. A subi LG Smith Boulevard y mesora a activa demas Polisnan riba caya y asina a bin topa cu e chauffeur den Wilhelminastraat banda di Paris Restaurant. A atende cune y e Comisario tambe a presenta. A resulta cu e tabata bebi. E comisario a atende seriamente cune. A detene pa stuur auto bou influencia y tambe pa falta di rijbewijs. A confisca e auto y hiba Warda di Santa Cruz mescos cu e chauffeur.
