Diasabra anochi laat un dama na stuur di un SUV a pega soño. Esey tabata riba e caminda banda di Tanki di Cas Ariba direccion Urataka. Cerca di Plaza Deto Varis. E auto a bay straight riba e poste cu tin un borchi grandi di indicacion pa turistanan principalmente.
E imacto tabata straight central na e front di e auto. E auto a kibra e poste cu ta wanta e borchi pero a keda tambe na halto y cu hopi daño na e parti abou di e motor.
Basta azeta a basha. E dama chauffeur no a keda herida y dimes el a spierta mesora cu e impacto. Algun conocir di dje tambe a core yega pa bin sostene y chek si tur cos ta bon cune. Takelwagen a wordo yama pa asina bin busca e auto RAV4 cu number A-13254.
