Tur siman Casi Nobo, bo luga preferi pa cumpra bo articulonan di cas of personal ta realisa su campaña riba social media. E campañanan aki ta un exito rotundo y ta conta cu un participacion tremendo. Recientemente, Casi Nobo a tene su Facebook Campaign “Thank God It’s Friday” unda e participantenan mester a “Like & Share” pa asina haya e chens di gana un gift certificate di AFL. 150,-.
E feliz ganadora a resulta Chanqueeta Nequia Abbygail Engelda kende hopi contento a pasa busca su premio. Keda pendiente pa mas campaña fabuloso y gana premionan tur siman. Despues di e apertura di Crown Furniture & Electronics riba L.G. Smith Boulevard 156, Casi Nobo, compania ruman, a dicidi di tambe expande su localidad cu e meta di por brinda na su clientenan un luga mas espacioso y cu mas variedad. Casi Nobo ta situa den e edificio unda antes tabata Crown Furniture & Electronics na Dakota, den avenida Milo Croes.
Casi Nobo ta un tienda unda bo por haya tur sorto di articulonan electro-domestico, mueblenan, aparatonan electronico, instrumentonan musical, computernan, laptop y hopi mas, na prijs masha economico mes. E variedad grandi aki cu Casi Nobo ta ofrece na su clientenan ta inclui articulonan nobo pero tambe restaura den condicion perfecto. E personal amabel y atento di Casi Nobo ta warda bo di dialuna pa diasabra di 9:00am – 6:00pm. Pasa bishita nan awe mes, cera conoci cu tienda y ricibi 25% riba bo cumpra cash. Casi Nobo tambe ta duna bo facilidad pa cumpra credit y 0% di down payment.
