Departamento di Obra Publico ta informa pueblo di Aruba en general y specialmente nos automobilistanan cu ta haci uzo di e bario di Paradijswijk cu lo bay dretcha e trottoirnan, pone asfalt y pone klinkers den e area di peaton. E cayanan cu lo bay wordo embeyece ta: Frere Fredericus, Theodorus, Paulus, Paulino, Stanislas, Tarcicius, Caspar, Wilibrordus y Servatuis.
Alabes lo bay construi un pida caminda di santo den e Caya Frere Servatuis. E area di construccion lo bay wordo cera parcialmente pa 140 dia cuminsando for di dialuna 7 di augustus 2017, y lo indica e ceramento por medio di borchi y hekinan di aviso.
En conexion cu e trabounan menciona Departamento di Obra Publico ta pidi pa tene cuenta cu e inconveniencianan cu lo por surgi pa cual nos ta pidi nos disculpa.
