Celebrando Dia di Colombia na Aruba

Riba diabierna 20 di juli a celebra Dia di  Independencia di Colombia. Manera ta custumber, e Consulado di Colombia na Aruba a organisa un ceremonia na e estatua di Simon Bolivar. Aki e Colombianonan a yega hunto pa observa e dia special aki hunto cu e representante diplomatico di Colombia na Aruba, esta e Consul di Colombia, Mirza Gnecco Pla.

A nota presencia di Minister di Husticia, mr. Andin Bikker y Minister di Enseñansa, dr. Armando “Rudy” Lampe. Tambe tabata presente Parlamentarionan di e Fraccion di MEP, J.H. “Endy” Croes y Sue-Ann Ras. Mas despues a yega mas mandatario na e evento.

Despues di e ceremonia oficial di ofrenda floral na estatua di Simon Bolivar, a sigui un ceremonia cu discurso y show di baile na Cas di Cultura.