Departamento di Enseñansa ta informa: Tin un catalogo di tur publicacion di material di Seccion Desaroyo di Curiculo y Proyecto di Idioma den Enseñansa Departamento di Enseñansa Aruba (DEA) ta desaroya material educativo ya pa mas cu 30 aña pa diferente tipo di scol na Aruba.
Na 1986 a lanta Seccion Desaroyo di Curiculo cu e meta pa percura pa material educativo cu ta tene cuenta cu e mucha cu ta biba na Aruba. Cu tempo e seccion a crece y a percura tambe pa e metanan nucleo pa enseñansa primario y pa e terminonan final pa enseñansa avansa y profesional. Den curso di tempo a lanta tambe Proyecto di Idioma den Enseñansa cu e meta pa traha riba standarisacion y cultivacion di Papiamento pa sostene introduccion di Papiamento como idioma di instruccion y como materia den enseñansa. Como refleho di e esfuersonan cu a desplega den transcurso di e ultimo 30 añanan, a publica un catalogo cu ta contene un lista amplio di e edicionnan di tanto Seccion Desaroyo di Curiculo como di Proyecto di Idioma den Enseñansa. Nos gratitud ta grandi na tur e directivanan di scol, scolnan, maestronan, docentenan y demas actornan den enseñansa pa nan bunita cooperacion; sin nan sosten publicacion di tur e materialnan no tabata posibel.
Un palabra di gratitud ta bay tambe na tur e desaroyadornan, traductornan, y redactornan cu a forma parti di e famia grandi di Seccion Desaroyo di Curiculo como tambe di Proyecto di Idioma den Enseñansa.
Ta trata aki di mas cu 400 persona cu a duna nan aporte pa produccion y publicacion di material educativo den transcurso di tempo. E catalogo ta un obsekio di sra. Wietske Dijkstra, director di Idee N.V. Hulanda, kende pa nos departamento, pa casi dos decada, a produci y publica un cantidad grandi di diferente material educativo. Un gran parti di e publicacionnan no ta obtenibel mas. Otro publicacionnan mas recien a ser reparti na tur scol preparatorio y basico. E catalogo “Un bista di material, metodo y buki di lesa desaroya pa ensenansa di Aruba” ta obtenibel den forma digital via e website di Departamento di Enseñansa [www.ea.aw]. Ta e intencion pa den futuro publica e materialnan tambe den un forma digital. Ta e deseo pa e catalogo aki ta un fuente di informacion pero tambe un estimulo pa conhuntamente cu tur actor den enseñansa nos por sigui produci material na bienestar di enseñansa na Aruba. Pa mas informacion por manda un mail na [email protected]. Por acudi na website [www.ea.aw] y por sigui e desaroyonan a traves di facebook page @educationaruba.
Nota pa redaccion: Riba e potret: Minister di Enseñansa dr. Armando Lampe ta ricibi e prome Catalogo for di Gracy Garcia-Dijkhoff, Sharon Rodriguez y Carola Peeters di seccion Desaroyo di Curiculo (DEA). Directie onderwijs kondigt de uitgave van een catalogus aan, met alle gepubliceerde materialen van Afdeling Curriculumontwikkeling en ‘Proyecto di Idioma den Enseñansa’ Directie Onderwijs ontwikkelt al meer dan 30 jaar educatief materiaal voor de verschillende typen onderwijs op Aruba. In 1986 werd de afdeling Curriculumontwikkeling opgericht met als doel ervoor te zorgen dat er educatief materiaal, dat rekening houdt met het Arubaanse kind, ontwikkeld zou worden. In de loop van de tijd is de afdeling Curriculumontwikkeling gegroeid en zorgt zij inmiddels ook voor het ontwikkelen van kerndoelen voor het primair onderwijs en einddoelen voor het voortgezet- en beroepsonderwijs. In de loop der jaren werd ook ‘Proyecto Idioma den Enseñansa’ opgestart met het doel om te werken aan de standaardisatie en cultivatie van het Papiamento ter ondersteuning van de invoering van het Papiamento als instructietaal en als vak in het onderwijs. Als weerspiegeling van het verloop van de afgelopen 30 jaar, is deze catalogus gepubliceerd die een uitgebreide lijst van uitgaven van zowel afdeling Curriculumontwikkeling als van ‘Proyecto Idioma den Enseñansa’, bevat. Wij willen alle schoolhoofden, scholen, leerkrachten, docenten en andere actoren in het onderwijs bedanken voor hun samenwerking.
Zonder hun hulp was de publicatie van deze materialen niet mogelijk geweest.
Een bijzonder dankwoord gaat ook uit naar alle ontwikkelaars, vertalers en redacteuren die deel uitmaken van de grote familie van de afdeling Curriculumontwikkeling en ‘Proyecto Idioma den Enseñansa’. Meer dan 400 personen hebben in de loop der jaren meegewerkt aan de productie en publicatie van deze educatieve materialen. Deze catalogus is een attentie van Mevr. Wietske Dijkstra, directeur van Idee N.V. Nederland, die al bijna 2 decennia lang, voor de productie en publicatie van veel verschillende educatieve materialen van onze afdeling, heeft gezorgd. Een groot deel van de uitgaven die in de catalogus staan, zijn niet meer beschikbaar. Andere pas verschenen publicaties zijn onlangs gedistribueerd aan alle kleuter- en basisscholen. De materialen zullen in de toekomst digitaal beschikbaar zijn op de website van Directie Onderwijs [www.ea.aw]. De catalogus is al digitaal beschikbaar. Voor meer informatie kunt u een mail sturen naar [email protected]. De wens is dat deze catalogus een bron van informatie voor velen zal zijn, maar ook een stimulans om samen met alle actoren in het onderwijs door te gaan met het ontwikkelen van educatieve materialen voor het welzijn van het Arubaanse onderwijs.
