Bombero y polis a bay rapidamente den Mandonlinstraat pa un cas cu a pega candela. Aunke cu a domina e candela, esaki a causa masha hopi daño. Segun un di e bisiñanan, na momento cu nan a yega na e sitio, e luga tabata completamente na candela.
Te ainda no sa kico por a pasa. No sa si por ta e muchanan por a haci algo. Pero si tabata tin mucha, pero nan tabata pafo. Hopi cos a bay perdi.
Awor aki tampoco no sa unda e candela lo a start, si ta den sala of cushina.
Aparentemente famianan mes a domina e candela, segun Frido Dirksz di brandweer y pa ora cu nan a yega, nan a djis tira poco awa riba dje. Danki Dios e habitantenan mes a logra paga e candela aki.
E daño na candela no tabata hopi, pero pa loke ta awa y huma ta considerabel. E daño principal tabata den e sala, cual segun brandweer, a ricibi mayoria daño. Por lo general e otro partinan di e cas si no a wordo afecta. Investigacion lo tin cu saca afo kico exactamente a sosode cu e candela a tuma luga, cu a cusa daño practicamente den e sala.
