No falta mucho mas pa aña bolter y e temporada cultural mas gusta di Aruba cuminsa. Carnaval 65 lo bay ta uno grandi cu lo marca historia un biaha mas. Directiva di SMAC a cuminsa reuni mas intensivo pa asina plania y organisa Aruba su Carnaval 65.
Ya caba SMAC a sinta cu mayoria stakeholders kendenan un biaha mas ta sostene nos dushi Carnaval.
SMAC ainda no a saca su Calendario di Evento pa Carnaval 65 aunke esaki ya caba ta hinca den otro y pronto esaki lo wordo publica. SMAC ta trahando duro riba tur e eventonan e preparacionnan pa asina brinda Aruba un temporada di Carnaval inolvidabel.
E prome actividad pa duna inicio na e temporada carnavalesco lo ta diadomingo 11 di november pa diesun or y diesun minuut di mainta. Di parti di SMAC, ta trahando cu entusiasmo pa trece ambiente pa pueblo pero tambe SMAC ta sinti caba e entusiasmo den e gruponan di carnaval y e pueblo carnavalesco pa haci Carnaval 65 grandi y inolvidabel.
