Thursday, 31 July 2014
Rey Momo: No crea mas divicion den nos dushi celebracion di Carnaval Print E-mail
Tuesday, 12 February 2013 23:11

momo2013

Den bispo di Diaranzon di shinishi pa otronan bispo pa celebracion di Jubileo di Diamante cu Carnaval 60 Rey Momo a laga un testament atras pa un y tur refleha riba dje. Momo a señala cu Carnaval 59 a conoce varios asecto nobo y alavez tambe cu dor di dialogo semper por yega leu. E Rey Momo tambe a proclama cu Parada Grandi di Playa otro aña lo cay riba 2 di Maart. Click lesa mas pa e testament completo.

TESTAMENT DI REY MOMO 2013

NOS CELEBRACION CULTURAL MAS GRANDI CU TA WORDO CELEBRA ANUALMENTE ESTA NOS GRAN CARNAVAL ARUBANO. NOS DI 59 CARNAVAL LO KEDA GRABA PA SEMPER DEN HISTORIA DI CARNAVAL COMO UN CARNAVAL LUHOSO, MAHESTUOSO, PRECIOSO, CREATIVO, COLORIDO, MAS SENSACIONAL CU ARUBA A CONOCE. UN CARNAVAL 2013 CAMINDA ARUBA UN BIAHA MAS TAWATA NA CABEZ. E CARNAVAL AKI HOPI NOS A SINJA DI DJE CAMINDA A CONOCE ALGUN DESAROYONAN NOBO CUAL AMI COMO REY MOMO LO TA SPERA CU TA PA BIENESTAR DI ARUBA SU CARNAVAL Y NO PA CREA MAS DIVICION DEN NOS DUSHI CELEBRACION. TIN COSNAN PA MEHORA UNDA TIN CU MEHORA Y TAMBE NOS LO TIN CU YEGA NA PALABRACION NAN ADELANTA PA ASINA EVITA DIFERENCIANAN DURANTE E CELEBRACION. CU DIALOGO A LOGRA Y POR LOGRA HOPI MAS, PERO SEMPER CU E META PRINCIPAL CU E MESTER TA NA BIENESTAR DI ARUBA SU CARNAVAL.

PROME CU BOSO KIMAMI MI KIER A PIDI PA HASI PUBLICO MI SIGUIENTE TESTAMENT:

  1. MI TA LAGA ATRAS UN PABIEN Y UN DANKI MASHA GRANDI ATRAS PA TUR ESNAN CU A COOPERA PA ASINA ARUBA POR A CELEBRA SU CARNAVAL NA UN MANERA, MAHESTUOSO YEN DI AMBIENTE, HOPI COLORIDO Y ALEGRIA, TANTO DEN EN PARADANAN COMO NA BANDA.
  1. UN PALABRA DI ELOGIO SO MI TIN PA TUR LIDERNAN DI GRUPO CU MASKE DEN UN CELEBRACION ASINA CORTICO Y DEN UN TEMPO NO FACIL ECONOMICAMENTE POR A PONE CADA UN DI NAN GRUPO PA HASI UN TREMENDO PRESENTACION. ARUBA Y MUNDO HENTER POR A DISFRUTA DI UN OTRO TREMENDO TEMPORADA DI CARNAVAL. NO TIN PALABRA PA GRADICI BOSO TREMENDO TRABAO INCANSABEL PA POR A LOGRA E PRODUCTO FINAL DI UN DUSHI CARNAVAL. BAN PONE MAN NA OBRA PA E PROXIMO ANJA.
  1. TAMBE MI TA LAGA ATRAS UN DANKI ESPECIAL NA E PARTICIPANTENAN DEN E PARADANAN NA SAN NICOLAS Y NA ORANJESTAD, YA CU NAN TA ESNAN CU TA HASI E SHOW ESPECTACULAR RIBA NOS CAMINDANAN Y CU TUR HENDE TA GOZA DI DJE Y CU TA HASI CU CARNAVAL DI ARUBA SI TA CARNAVAL.
  1. PA TUR E CANDIDATANAN CU A PARTICIPA NA E ELECCIONNAN DI REINA, TANTO INFANTIL, HUBENIL, REINA DI CARNAVAL Y SEÑORA CARNAVAL TA KEDA UN PALABRA DI FELICITACION PA NAN BUNITA PRESENTACION, MENSAHE- Y SHOWNAN CU TA MANTENE E NOMBER DI NOS CARNAVAL DI ARUBA NA HALTO Y TAMBE TUR NOS PRINS Y PANCHONAN INFANTIL, HUBENIL Y GRANDI. MASKE CU TUR HENDE A PENSA CU E TEMPORADA TA HOPI CORTICO PERO TOG BOSO TUR A LOGRA HASI NOS ELECCIONNAN UNO ESPECTACULAR.
  1. PA TUR E DISEÑADORNAN DI E TRAHENAN, CAROSANAN, BODY- Y ROADPIECENAN, NA NOS MUSICONAN, COMPOSITORNAN, ARREGLISTANAN MI TA LAGA ATRAS UN FELICITACION Y UN DANKI PA NAN CREATIVIDAD CU A LUCI DEN E GRAN PARADANAN Y SHOWNAN.
  1. MI TA LAGA ATRAS UN DANKI ESPECIAL NA TUR E BANDANAN CU DEN E PARADANAN A TOCA E COMPOSICIONNAN ARUBANO, PRODUCTO DI NOS COMPOSITORNAN, KENDENAN SIN DUDA ALGUN A CONTRIBUI NA ENGRANDECE NOS REPERTORIO MUSICAL. ENTRE NAN MI TIN CU MENCIONA NOS ROADMARCH 2013 “PAN DI DIOS”E CALYPSO “CHILLING CHILLING”, E SOCA “PAKIJAUW”Y E TUMABA GANADOR “NOS TEY PA KEDA”. A LA VEZ MI NO POR KEDA SIN MENCIONA E ROADMARCH INFANTIL, HUBENIL CU E AÑA AKI A SER ACOMPAÑA PA E BANDA “IMPAK”, KENDENAN UN BIAHA MAS DEN UN TEMPO CORTO A LOGRA PA E CANTIDAD MINIMO DI PARTICIPANTENAN POR A HASA UN TREMENDO PRESENTACION. FOR DI AWOR CABA PA PIDI E COMISION PA CUMINSA TRAHA TREMPAN PA ASINA NOS POR MIRA UN TREMENDO COMPETENCIA.
  1. MI TA LAGA ATRAS NOS DI CINCO TUMBA INFANTIL, HUBENIL CU  TAWATA UN EXITO TOTAL, ACOMPAÑA PA UN ALL STAR BAND, BAO DIRECCION DI RAUL PIAR.

PALABRANAN DI ELOGIO SO TABAT TIN PA E TREMENDO TRABOU CU RAUL PIAR A HASI CU E MUCHANAN AKI. MASKE CU UN CANTIDAD MINIMO DI PARTICIPANTE PERO TOG UN FESTIVAL DI CALIBER HALTO. UN DANKI GRANDI Y SPERA CU PA 2014 TUMBERITO LO TA HOPI MAS GRANDI.

  1. MI TA LAGA ATRAS UN FELICITACION PA HENTER NOS PUEBLO ARUBANO, SACANDO AFO ESNAN CU A COMPORTA NAN MES MENOS BON.NOS TUR MESTER TENE NA CUENTA CU NOS CARNAVAL TA UN PRODUCTO TURISTICO CUAL NOS MESTER POR MANTENE Y CUIDA PA ASINA NOS POR HANJA MAS BISHITANTE PA APORTA NA NOS ECONOMIA. PUES AMI REY MOMO TA SPERA CU PA 2014 TUR HENDE COMPORTA NAN MES CORRECTAMENTE PA ASINA NOS NO MESTER APLICA FAYA BO HAYA.

PERO SI PA TUR DEMAS CU A DEMOSTRA NAN BON COMPORTACION Y CIVISMO MI TA MANDA MI PALABRA DI DANKI Y PABIEN PA E BON COMPORTACION.

  1. MI TA LAGA ATRAS UN DANKI GRANDI DI CURAZON PA TUR E MIEMBRONAN DI SAC CU E AÑA AKI ATROBE A TRAHA CU CUERPO Y ALMA PA TUR E PREPARACIONNAN DI E DIFERENTE EVENTONAN PA ASINA ARUBA POR A DISFRUTA.
  1. DANKI GRANDI PA TUR, PERO TUR E CUERPO DI BOLUNTARIONAN BALENTE DI E CREW DI SAC CU A TRAHA E ANJA AKI, PA POR A TENE TUR COS BAO CONTROL.
  1. PA NOS CUERPO POLICIAL MI TA LAGA ATRAS UN DANKI GRANDI PA NAN PASENSHI, BON COOPERACION Y COMPRENCION.TA UN BIAHA PA AÑA NOS TUR TA HUNTO DEN E TEMPORADA DUSHI AKI HUNTO CU HENTER E COMUNIDAD DI ARUBA, Y DI UN MANERA OF OTRO TA HASI SACRIFICIO NA BENEFICIO DI NOS PAIS. E RESPET PA NOS CUERPO POLICIAL MESTER KEDA SEMPER PA ASINA NAN POR SIGUI EHERCE NAN TRAOU SIN PROBLEMA.

SPERANDO CU NOS POR YEGA UN DIA CAMINDA CU NOS POR CELEBRA UN CARNAVAL SIN NINGUN INCIDENTE NEGATIVO. GUYS GOOD JOB Y MI TA SPERA CU PA 2014 ARUBA SU CARNAVAL POR CONTA UN BIAHA MAS CU BOSO BON COOPERCAION.

  1. PA PERSONAL DI CRUZ CORA, SERVICIO DI AMBULANS, IMSAN, DIP, BRANDWEER, SERLIMAR, DEPARTAMENTO DI OBRANAN PUBLICO, TI, DEPARTAMENTO DI SALUBRIDAD PUBLICO, CUERPO POLICIAL DI ARUBA Y DEMAS BOLUNTARIONAN DAKIN PA NA DIFERENTE OCACION A REUNI PA ASINA ARUBA POR TABATA TIN UN CARNAVAL FABULOSO.
  1. NA PERSONAL DE SERLIMAR Y POLIS AMBIENTAL Y CUERPO POLICIAL DANKI PA A TUMA NA BOSO ENCARGO E CUIDO DI NOS MEDIO AMBIENTE. MI TA LAGA UN DANKI GRANDI PA NAN TRABAO CU TA CUMINZA FOR DI DEN HORANAN DI MARDUGA.
  1.  PA PRENSA SKIRBI, RADIO, TELEVISION DI ARUBA, KENDENAN A   CONTRIBUI CU NOS GRAN CARNAVAL ARUBANO, MI TA LAGA UN DANKI GRANDI PA NAN COOPERACION. BOSO APORTEA YUDA ENGRANDECE E CELEBRACION DI ARUBA SU CARNAVAL 2013 CUAL TEMPORADA TABATA UNO CORTICO CAMINDA CU TABATA PREMIRA CU E LO BIRA UNO CHIKITO PERO NA FINAL A RESULTA UNO GRANDI, LUHOSO Y BUNITA. DANKI NA BOSO APORTE E COMUNIDAD ARUBANO POR A KEDA NA ALTURA DI TUR LOCUAL TA SOSODE DURANTE E TEMPORADA DI NOS CELEBRACION DI CARNAVAL.
  1. MI TA LAGA ATRAS UN DANKI NA GOBIERNO DI ARUBA Y TUR E DEPARTAMENTONAN GUBERNAMENTAL CU A PERCURA PA E TENTNAN RIBA E RUTA DI CARNAVAL CUAL A DUNA UN REALSE NA NOS CARNAVAL. ARUBA UN BIAHA MAS TA SIGUI SCORE.
  1. DANKI NA COMERCIO, INDUSTRIA Y HENTER COMUNIDAD ARUBANO SIN EXCEPCION PA NAN COOPERACION CU A CONTRIBUI SIGUR NA E EXITO DI NOS GRAN CARNAVAL NO. 59. SPERANDO CU GRUPO, BANDA Y SAC POR SIGUI CONTA CU E APORTE Y SOSTEN DI COMERCIO DI ARUBA PA ARUBA POR SIGUI CELEBRA SU CARNAVAL. SIGUR SAC NO KIER KEDA SIN GRADICI TUR E SPONSERNAN CU A SOSTENE SAC DURANTE E CARNAVAL AKI. BOSO APORTE TABATA DI HOPI IMPORTANCIA PA LOKE TA NOS CELEBRACION DI CARNAVAL.
  1. MI TA LAGA ATRAS E FECHA DI E GRAN PARADA DI CARNAVAL NA ORANJESTAD PA AÑA 2014, CUAL LO TA E PROME DIADOMINGO DI LUNA DI MAART, SCUCHA BON, E GRAN PARADA DI CARNAVAL LO TUMA LUGAR RIBA DIADOMINGO 2 DI MAART 2014. MI TA RIPITI: CARNAVAL DI OTRO AÑA LO TA DIA 2 DI MAART 2014. PUES DI AWOR CABA CUMINSA PREPARA PA NOS DUSHI CARNAVAL 60, NOS CELEBRACION DI DIAMANTE.

MI TA LAGA ATRAS E FECHA DI E GRAN PARADA DI CARNAVAL NA ORANJESTAD PA AÑA 2014, CUAL LO TA E PROME DIADOMINGO DI LUNA DI MAART, SCUCHA BON, E GRAN PARADA DI CARNAVAL LO TUMA LUGAR RIBA DIADOMINGO 2 DI MAART 2014. MI TA RIPITI: CARNAVAL DI OTRO AÑA LO TA DIA 2 DI MAART 2014. PUES DI AWOR CABA CUMINSA PREPARA PA NOS DUSHI CARNAVAL 60, NOS CELEBRACION DI DIAMANTE.

ARUBA POR TA ORGUYOSO CU POR CELEBRA SU DI 60 CARNAVAL CAMINDA NOS LO CELEBRA E CELEBRACION DI DIAMANTE. ARUBA SU DI 60 CARNAVAL CUAL SIGUR LO PRIMINTI DI TA UN TREMENDO BACCHANAL. CARNAVAL 60 LO MARCA UN ERA NOBO DEN HISTORIA DI ARUBA SU CARNAVAL Y TAMBE E CARNAVAL MUNDIAL

BERDADERAMENTE CARNAVAL 59 A SOBRESALI DEN CREATIVIDAD Y LUHO TUR AFO YENA DI FANTASIA, PESEY MES MI TA HASI UN SUPLICA NA TUR E COMUNIDAD ARUBANO  ESPECIALMENTE E PARTICIPANTENAN, CUMINSA PREPARA DESDE AWOR PA E GRAN CELEBRACION DI CARNAVAL 60, ESTA NOS JUBILEO DI DIAMANTE..

PA FINALISA MI KIER DUNA UN BIAHA MAS UN DANKI NA HENTER NOS COMUNIDAD MASKE DEN TUR E TURBULENCIA TOG POR WAK E FINAL UNO EXITOSO. BAN DEN UN GRAN UNION PA SIGUI E EHEMPEL CU NOS PUEBLO A DUNA E AÑA AKI. ASINA NOS POR MANTENE E MAHESTUOSO Y GRANDIOSO CARNAVAL ARUBANO COMO ESUN DI MAS SIGUR , MAS SAFE Y UNICO NA MUNDO Y NOS LO POR KEDA BISA CU : CARNAVAL DI ARUBA SI TA CARNAVAL.

DESPUES DI KIMAMI BAY CAS TRANKILO Y LAGA NOS BAN DEDICA NOS MES NA ASUNTONAN SERIO NA BIENESTAR DI NOS COMUNIDAD.

DUNA DIA 12 DI FEBRUARI, BISPO DI DIARANZON DI SHINISHI, BISPO DI CARNAVAL 60, NOS JUBILEO DI DIAMANTE.

FIRMA:   REY MOMO


Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter