|
Tur cos ta cla pa evento grandi “Rib’un Chill cu Hebbe Hebbe” |
 |
 |
|
Sunday, 03 February 2013 20:59 |
|
Despues di algun siman di preparacion y anticipacion, mañan diamars e evento “Rib’un Chill cu Hebbe Hebbe” ta tuma luga dilanti Postkantoor na Playa, cu un lista largo di bandanan musical cu lo presenta nan mes y asina hinca henter comunidad den dushi ambiente di carnaval. Pa celebracion di 15 aña di hebbe Hebbe lo tin un cantidad di sorpresa, regalo y Chill gratis.
E bandanan Rincon Boyz, Youth Xtreme, Zeta Band cu Tattoo, OREO cu Caiso Monarch Mighty Talent Jr., Basic One cu Janiro y Fellow lo deleita tur presente cu hopi musica. Pa bo Chill gratis diamars awo, yega tempran y warda pa zona e bel "Chillin' Chillin'"! Diabierna ultimo dia 1 di februari, "Rib'un Chill cu Hebbe Hebbe" a cuminsa e conteo final pa e evento maximo, cu un Happy Hour na Manuelito's entre 5'or pa 7'or. Pa dos ora tabatin Chill y Balashi na prijs di 2-for-1. Ademas tabatin un special fabuloso riba Dewars 12. Claro cu modelonan di Chill tambe tabata presente y a parti regalo entre e presentenan. Ta calcula cu tabatin entre 5 pa 7 mil persona aña pasa na Hebbe Hebbe y tur cos ta mustra cu e aña aki lo no ta diferente. “Rib' un Chill cu Hebbe Hebbe" ta bay ta mas grandi cu nunca!
 |
Mustra/Kita e formulario di comentario
