Monday, 24 November 2014
“Rib’un Chill cu Hebbe Hebbe” dedica e aña aki na Eddy Tromp Print E-mail
Sunday, 03 February 2013 20:53
Comparti

scan0001 (4)
Su nomber ta Eduardo Tromp, pero abo lo conoce bou diferente otro nomber, manera ta “Eddy”, of “Eddy di Butishi di Alegria” of hasta como “Eddy Tec”. E ta e cara tras di e conopinan ora di pone zonido na eventonan di carnaval, specialmente pa mucha. E ta masha conoci y stima na Aruba completo, pero specialmente den su districto di Noord.

Na dje ta dedica e evento di Hebbe Hebbe 2013. E storia di Eddy Tromp ta masha largo y ta inicia desde aña 1960 cu el a cuminsa traha na Radio Kelkboom como tecnico y operador, sigui despues cu el a cuminsa traha den Gobierno na aña 1972 te aña 2002 ora el a baha cu pensioen bon mereci. El a traha den asina tanto evento cu ta dificil pa repasa tur. Pero un cos a resalta den e añanan di trabou y dedicacion, Eddy Tromp a bira e cara conoci pa yuda tur organisacion, tur grupo di carnaval y tur scol cu no tabatin suficiente fondo pa celebra carnaval. Tin bez hasta pornada e tabata toca pa e muchanan por a gosa un rato. Anto esey ta locual ta haci’e un persona special y ta bale la pena dedica e evento di carnaval Hebbe Hebbe 2013 na dje y na su famia cu a permiti’e di por a yuda otronan asina tanto. Eddy Tromp lo ricibi su homenahe diamars anochi durante e evento di Hebbe Hebbe dilanti Postkantoor. Pa celebracion di 15 aña di Hebbe Hebbe lo tin un cantidad di sorpresa, regalo y Chill gratis. E bandanan Rincon Boyz, Youth Xtreme, Zeta Band cu Tattoo, OREO cu Caiso Monarch Mighty Talent Jr., Basic One cu Janiro y Fellow lo deleita tur presente cu hopi musica. Ta calcula cu tabatin entre 5 pa 7 mil persona aña pasa na Hebbe Hebbe y tur cos ta mustra cu e aña aki lo no ta diferente. “Rib' un Chill cu Hebbe Hebbe" ta bay ta mas grandi cu nunca!

gallery1 gallery1 gallery1
gallery1 gallery1  

Comparti
Comentarionan (0)Add Comment
Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter