Friday, 24 October 2014
Parada di Flambeu ta sali pa 8or for di ex-DOW Print E-mail
Saturday, 05 January 2013 05:39

Image 3
E prome parada pa Carnaval 59 ta "Fakkel Optocht" cu ta programa pa sali 8or exacto for di Ex-DOW y ta caba na Veld di Cricket riba Vondellaan pa 2or di marduga. Champagne Carnival Group lo habri e parada sigui pa Royal Carnival Group, TOB, Dushi Carnival Band, Majestic Carnival Group, Pleasers and Teasers, OPC y XC-Lanz Carnival Group. SAC a sinta diahuebs cu tur instancia concerni pa temporada di Carnaval por bay sin problema.

Esaki ta inclui reunionnan cu lidernan di grupo cu lo tin e tarea pa percura un bon ambiente pa su Carnavalistanan den parada por goza sanamente. A reuni tambe cu departamentonan di Gobierno for di DOW cu ta encarga cu baricada, DIP cu lot di kavel, Serlimar cu tin e tarea dificil pa haci e ruta limpi, City Inspector, Brandweer y Polis pa nombra algun. Tambe instancianan manera Cruz Cora cu tin un cantidad di voluntario cla pa yuda asistencianan medico chikito te na casonan mes serio unda Ambulance Dienst ta tuma over.  Cu asina hopi hende envolvi riba e ruta coordinacion ta algo cu facilmente por bay robes. SAC a reuni cu tur pa asina por topa otro riba e mesun liña y evita mal entendido durante e di 59 edicion di Aruba su Carnaval.

Comentarionan (3)Add Comment
asina mes
January 06, 2013
201.229.46.107
Votes: +0
...

Esei ta locual e Mayanan kermen. Mundo ta jegando su fin.

Joonchi
January 05, 2013
201.229.8.79
Votes: +1
...

@ asina mes e Tres Reynan mes ta den Fakkel .

asina mes
January 05, 2013
201.229.29.102
Votes: -2
...

Dia di tres Rey ta Diadomingo. Ni respet no tin mas y ta cuminsa cu Carnival.

Duna Comentario y/of Comparti riba Social Medi
 
  smaller | bigger
 

busy
 

Connect with Us

Newsletter