| UpGrade Music ta lansa “SWEATIN” pa Carnaval 59 |
 |
 |
| Thursday, 03 January 2013 16:52 | |||
 Despues cu a sali banda di aña na varios emisora y alabes posicion di honor na Magic 96.5FM, Diaranson merdia na Power FM y na Canal 90, UpGrade Music a lansa nan cantica promocional pa e temporada di Carnaval 59. Un tema sumamente pegahoso cu un ritmo contagioso cu sigur lo kibra caya.
E cantica ta aregla pa Jonathan Thiel y Edward Silberie y ta canta pa Ritmo Real, Zion y Rousu. No por lubida Shawnee cu a pone e toke magico di guitara den e ritmo. Un danki ta bay pa Ranson Kock, Daniela, Carmichael Bikker, Elite Productions y e banda completo di UpGrade Music pa nan aporte den e cantica mas nobo cu ta “SWEATIN”. Ariba imagen por wak cu Management di UpGrade Music a entrega Minister Otmar Oduber y Lisete Chung cu ta leadernan di e Grupo di TOB nan CD pa cual cu UpGrade Music tin e responsabilidad pa pone ambiente den dje. Tur esnan cu ta desea pa tin e cantica mas nobo di UpGrade Music, por subi ariba e Facebook di UpGrade Music y download esaki. Click play pa scuche.
|
Mustra/Kita e formulario di comentario
