Diasabra anochi alrededor di 7:30pm a bati alarma pa un candela di mondi menasando casnan den e bario di Monserat. A pidi presencia di Polis y Bombero na e sitio.
Na e sitio Brandweer a constata cu berdad e candela tabata basta grandi y cu e tabata forma peliger directo pa e casnan di mas cerca. Specialmente como cu tabatin hopi biento, e candela tabata expandiendo lihe.
Separa di e menasa di expansion, e huma cu e candela tabata ocasiona a forma un molester pa henter e area. Habitantenan tabata keha di holo stinki cu tabata drenta nan cas y stroba nan di wak television. Tabatin otro casnan unda tin baby.
E unidad di Cuerpo di Bombero cu a presenta na e sitio a start mesora cu nan trabounan di combatimento di e candela. No a dura mucho cu e candela tabata completamente domina.
