E dianan 19 y 20 di mei proximo, Arubaanse Zwem Bond(AZB) lo ta organisando e campeonato nacional di landamento artistico esaki na Piscina Olimpico Roly Bislik cuminsando pa 9or di mainta.
Mester bisa cu na e campeonto nacional e atletanan di artistic swimming den tur categoria di edad lo participa na esaki. Lo cuminsa desde e nobatonan te cu esnan mas avansa cu ta e senioren nan. E competencia lo ta basa riba figura y rutina esaki individual, duet y ekipo. Lo premia e miho tres puestonan cu medayanan pa e di prome, dos y tres lugar den cada categoria. Lo landa den e categorianan beginners, 10&Under, 11& 12 aña, 13-15 aña, 13, 14 & 15 aña, Juniors. E evento lo ta di 9:00am – 12:30pm ariba diasabra 19 di mei y diadomingo 20 di mei. Diasabra lo tuma lugar e competencia nan di Figures y Duets, ariba diadomingo lo tin competencianan di Solos y Teams.
Recientemente deporte di artistic swimming a haci un tremendo papel durante di e campeonato di Carifta Swimming Championship na Jamaica unda nos atletanan a sobresali y logra varios medaya di Oro, Plata y Brons. Fin di luna di juni proximo, Aruba lo ta sede di un di e competencianan di mas grandi di landamento den nos region cual ta CCCAN di cual e disciplina di artistic swimming tambe lo forma parti. Varios pais lo ta na Aruba y e campeonato nacional ta net un bon momento pa midi e status di cada atleta faltando un luna mas pa e competencia inicia.
Stichting Sportsubsidie Aruba a subsidia e competencia nacional di artistic swimming organisa pa Arubaanse Zwembond.
Cumprando weganan di Lotto, e Loteria di Aruba bo ta contribui na deporte riba nos isla. Meta di e fundacion ta pa organisa loteria, cambia bida di su hungadonan y na mes momento inverti den deporte local pa medio di donacionnan na e Stichting Sportsubsidie Aruba.
