Arubaanse Zwembond lo tin un competencia di CCCAN na Aruba. Nan a tene un confencia di prensa pa asina anuncia esaki. Durante e conferencia diferente persona a hiba palabra. Aki Marion Kan presidente di Arubaanse Zwembond a splica nan ta host e competencia internacional di landamento den piscina olimpico y tambe den e lama na Mangel Halto…
Mas leu Marion Kan a splica cu nan a haya ayudo di diferente departamento cu ta exigencia di CCCAN ora kier haci un competencia internacional. Tabata tin un comite cu a hinca hopi tempo pa organiza e evento. Maureen Croes ta secretario general di CCCAN. Durante e conferencia el a splica tambe riba e preparacion pa e competencia. Ta diferente discplina lo bay tin. El a logra convence e bestuur e competencia. CCCAN ta hopi dificil pa organiza segun Maureen Croes pero nan a logra. Monica Schreuders ta parti di Arubaanse Zwembond den e area tecnico. El a splica y comenta riba su rol como director. Ora tin e sesion na Pool Olimpico cu competencia e lo tin un rol.
Dia 29 di Juni e competencia ta bay cuminsa segun Monica Schreuders. 347 atleta lo participa y tin 24 pais cu lo bin. Den natacion nan tin hopi evento. Nan tin categoria di diferente edad. Tin basta huez yudando tambe. Mester tin un sistema cu ta funciona den e parti di timing. Nan ta trahando pa e parti di tempo ta bon y valido segun Monica Schreuders. Ivo Maduro ta encarga cu e openwater durante e competencia di CCCAN. Aki tambe nan lo zorg pa den e area di Mangel Halto tur cos bay bon durante e competencia di landamento. Lo tin diferente buelta di landamento na e area apunta.
