Bucuti & Tara beach resort ta introduci ‘healthy hour’

Bucuti &; Tara Beach Resort ta anuncia un upgrade grandi den su programa di wellness, introduciendo su asina yama Healthy Hour. E primicia aki den region di Caribe ta bin hunto un expansion substancial di Bucuti & Tara su amenidadnan di wellness, incluyendo actividadnan y lesnan gratis pa huespednan.

Aña pasa Bucuti & Tara un biaha mas a wordo reconoci como e hotel mas romantico den Caribe den e Travelers’ Choice Awards di TripAdvisor. Bucuti & Tara, cu su ambiente trankilo den un boutique setting exclusivamente pa adulto, ta e lugar ideal pa parehanan por sinti nan mes bon y completamente relaha. Pasobra Bucuti & Tara ta situa riba Eagle Beach, reconoci mundialmente como un di e miho playanan na mundo, huespednan por experiencia e propiedadnan terapeutico y curativo di lama, disfrutando alabes di e facilidadnan nobo di e hotel. Parehanan cu ta pone prioridad na un bida saludabel of cu tin un resolucion pa haci esaki den aña nobo awor por disfruta di snacks saludabel gratis entre 3or y 4or di atardi, tur dia. Batido nutritivo y craft mocktails na e guests-only SandBar, ta na mitar prijs durante Healthy Hour. Cuminsando e siman aki, tambe lo ofrece yoga, meditacion, tai chi y caminatanan riba beach, sessionnan di personal training den gruponan chikito, conseho riba tereno di nutricion y demostracionnan di cumindanan saludabel duna pa e chefnan di Elements Restaurant. Tur esaki ta adicionan nobo na Bucuti & Tara su programa di wellness cu por wordo completamente personaliza. E programa aki a wordo introduci na 2016 y ta wordo

dirigi door di Bucuti & Tara su fulltime specialista riba tereno di wellness, Isabel Struve-Rasmijn. Huespednan por haya un programa completamente traha pa nan mes basa riba cuater area di wellness, esta nutricion, fitness, bienestar mental y mindfulnes. Huespednan por haci uzo di esaki y ricibi un plan cu ta ofrece opcionnan di cuminda, actividadnan y experiencianan di spa paden y pafo di e propiedad. Bootcamps priva riba beach, wisdom walks, pintamento terapeutico y actividadnan cu cabay ta djis un par di e experiencianan cu por wordo organisa pa huespednan individual, parehanan of gruponan chikito. Huespednan tambe por hinca nan mesun plan den otro, incorporando cuanto actividadnan cu nan kier. "Nos kier sostene y inspira nos huespednan, duna nan conocemento y experiencia practico pa asina nan por saca lo maximo for di bida durante nan estadia y pa hopi tempo despues cu nan a regresa nan cas", segun Ewald Biemans, CEO y propietario di Bucuti & Tara Beach Resort. "Nos mision ta pa keda expande nos servicionan cu ta promove un bida mas saludabel, pa asina duna nos huespednan e mihor experiencia  vacacional posibel." Tur huesped di Bucuti & Tara Beach Resort tambe por probecha di e opcionnan saludabel di e restaurant Elements, incluyendo porcionnan saludabel, cumindanan vegetariano, vegan y gluten-free. Specialistanan di wellness t’ey pa yuda huespednan den nan escohencia y pa coordina hunto cu e chefnan pa asina yega na un tremendo experiencia culinario saludabel. Tambe tin Purun Spa, na unda huespednan por haci uzo di tratamentonan cu ta incorpora enre otro ingredientenan local manera aloe y awa di lama. Pa mas informacion, check www.bucuti.com/wellness-program.