Brommer a dal den auto cu a bay haci U-Turn

Dialuna merdia algo pasa di 12:00pm a sosode un accidente riba Schotlandstraat dilanti Compra Ltd. y a bay dal den un auto marca  Ford modelo Escape color shinishi numera A-45673. Parce cu e auto a bay pa haci un U-turn, pero no a paga tino cu su tras tabatin un brommer biniendo, cu consecuencia cu e brommer a dal den banda di e auto. E motociclista a resulta herida cu varios sla nan na curpa, pa cual Ambulance a transporte pa Hospital. Daño material ta considerabel.